web counter
LEXO PA REKLAMA!

SHKARKO APP

App Store
Google Play

Trafikimi i qënieve njerëzore/ Ambasadori Lu i “tërheq veshin” qeverisë

30 Mars 2018, 09:42, Aktualitet CNA

Nga konferenca rajonale kundër trafikimit të qenieve njerëzore, me temë ?Përmirësimi i ofrimit të shërbimeve dhe vetëdijes për të luftuar trafikimin e personave në Ballkan?, ambasadori amerikan në Tiranë, Donald Lu vuri theksin në zbatimin e ligjit.

Gjithashtu ai bëri thirrje që qeveritë të sigurojnë fonde dhe strehim për viktimat e trafikimit, ndërsa duke ju drejtuar qeverisë shqiptare tha ?Në rastin e Shqipërisë këtu ka nevojë që qeveria jo vetëm të angazhohet politikisht për të siguruar financim por edhe duhet t?i dorëzojë me të vërtetë këto fonde dhe pa vonesa?.

Po ashtu, Lu ka kërkuar dënim maksimal për trafikantët e qenieve njerëzore.

?Kanë qenë burrat që i shitën këto vajza. Ata duhet të arrestohen dhe të dënohen me gjithë fuqinë e ligjit. Për ta bërë këtë vendet e këtij rajoni duhet të mendojnë për zbatimin e ligjit në kontekst rajonal. E përgëzoj Shqipërinë për udhëheqjen rajonale për parandalimin e trafikimit të fëmijëve. Trafikimi i qenieve njerëzore nuk është një çështje që mund të zgjidhet pa bashkëpunimi rajonal. DASH e kupton këtë dhe ka dhënë një grant për të mbështetur qeverinë. Jemi entuziastë për punën inovatore të këtij projekti në përpjekjet për integrimin e viktimave.
Ky projekt do të ndihmojë që ato jo vetëm të strehohen por të dalin me profesion e vetëbesim. Në rastin e Shqipërisë këtu ka nevojë që qeveria jo vetëm të angazhohet politikisht për të siguruar financim por edhe duhet t?i dorëzojë me të vërtetë këto fonde dhe pa vonesa?, deklaroi Donald Lu./ CNA.al





Lajmet e fundit nga