web counter
LEXO PA REKLAMA!

SHKARKO APP

App Store
Google Play

Arrestimi i Gjuriçit përplas deputetët shqiptar me ata serb në Komisionin e Sigurisë

29 Mars 2018, 20:45, Aktualitet CNA

Në mbledhjen e sotme të Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës, kryesuar nga kryetari Haxhi Shala, ndër të tjera u diskutua lidhur me zhvillimet e fundit në pjesën veriore të Mitrovicës, veçanërisht lidhur me arrestimin e zyrtarit të lartë të shtetit serb, Marko Gjuriç.

Raportimi vjen nga “Zeri.info”m i cili informon se këtë çështje e ngriti zv/kryetari i dytë i Komisionit, serbi Zoran Mojsiloviç, duke theksuar se pjesëtarët e policisë së Kosovës kanë përdorur forcën dhe se aksioni i PK-sa ndaj tyre, sipas tij, ka qenë i jashtëligjshëm dhe i panevojshëm.

“Udhëheqësit e këtij aksioni duhet të bartin pëgjegjësi për veprat e kryera gjatë asaj dite dhe duhet të bëhet një hetim lidhur me këtë”, tha Mojsiloviq, duke e quajtur tubimin e përfaqësuesve serb si paqësor.

Deklarata e tij ngjalli reagimet e mënjëhershme të anëtarëve të Komisionit. Haxhi Shala dhe Muharrem Nitaj, të cilët shprehën mospajtimin e tyre lidhur me akuzat që iu bënë policisë nga deputeti Mojsiloviç. Ata kërkuan që, fillimisht, lidhur me këtë të pritet një raport zyrtar i Policisë apo Ministrisë së Punëve të Brendshme dhe më pastaj mbi bazën ë këtij raporti të zhvillohet debati në Komision.

Ndërsa, Ismet Beqiri, Rexhep Selimi, Fatmir Xhelili dhe Xhelal Sveqla, theksuan se Policia e Kosovës, në këtë rast, ka ruajtur rendin kushtetues, por tubimin e përfaqësuesve serb e quajtën ilegal. Ndërkaq, theksuan se operacioni nuk është zhvilluar mbi baza etnike.

Pas një debati të gjerë lidhur me këtë, palët ranë dakort që fillimisht të presin publikimin e një raporti zyrtar të MPB-së lidhur me ngjarjet e asaj dite në pjesën veriore të Mitrovicës.





Lajmet e fundit nga