"Qipro-depozitat", zbulohen miliona eurot e Pandeli Majkos, Genc Pollos dhe Edmond Haxhinastos

29 Mars 2018, 20:18, Aktualitet CNA

Kur vjen puna tek përfitimet në kurriz të qytetarëve, të gjithë janë të barabartë, solidarë dhe të afrueshëm me njëri tjetrin. Ministra dhe ish ministra të PS, PD, madje dhe të LSI-së kanë futur para në bankat e Qipros, shkruan “Pamfleti.com”.

Fjala është për shuma miliona eurosh të vendosura në “qipro-depozitat”, siç i ka etiketuar media parajsat fiskale ku abuzuesit politik e shtetarët qeverisës shqiptarë, ndër vite kanë fshehur pasuritë e vendosura nëpërmjet abuzimit.

“Tashmë po evidentojmë faktin se ka dhe politikanë që në dukje janë të ?përkorë? por kanë mbi 5 milionë euro e lart të bankat e Qipros. Nuk vëmë dorën ne zjarr për para në bankat e tjera të parajsave fiskale në ishujt e Paqësorit, Britani apo dhe vendet e Komunuelthit Britanik”, shkruan “Pamfleti”, duke vijuar:

“Kur dëgjon Pandeli Majkon, ish kryeministër i Shqipërisë dy herë, ish ministër Mbrojtjeje katër vite, të duket sikur ka zbritur ?shejti? në tokë. Shumë parimor, shumë i shtruar, madje dhe patriot. Eshtë i vetmi politikan shqiptar që ka shtetësinë kosovare dhe ka vëllain dhëndërr në Kosovë. Elementë këto shtesë në shfaqjen e tij si patriot dhe njeri i masës. Por Pandeli Majko ka para në bankat e Qipros. Ka mbi 5 milionë euro të vogla në këto parajsa fiskale. Kishte më shumë por kriza e para disa viteve ia ?firoi? një milionë euro apo më shumë…Të nxjerra nga skrapi i shitur në Mal të Zi, shiti dhe nëndetëset që mund të ishin një destinacion turistik. Shiti dhe tanket, dhe gjithçka prej metali dhe që kishte shkëlqim metalik. Por dhe gëzhoja dhe municione, bëri lekë Pandi ashtu si pa ndjerë. Vjehrri i mori përsipër të gjitha, madje dhe Fabrikën e tullave në Vorë. Ky është Pandi i ?përkorë? por me 5 milionë euro në Qipro. Në bankat e tjera nuk dime sa ka”, shkruan Pamfleti.

Që në vijim shkruan: Genc Pollo, ish ministri i Arsimit dhe i Inovacionit më pas, pasi mori gjithçka në ministrinë e Arsimit, filloi tenderat e fibrave optikë te Inovacioni. Nuk ishin shumë, disa milionë euro dhe ishte një shumë që e mori në fund të mandatit dhe, bashkë me të tjerat, që i zhduku në bankat e Qipros.

Prapa nuk mbetet as Edmond Haxhinasto i LSI, i cili ka pasur një karrierë të mbarë në krye të ministrive me lekë si METE dhe ajo e Transporteve. Shumë për një mësues anglishteje, por që bëri miliona euro. Dhe ai të depozituara në bankat e Qipros, denoncon “Pamfleti”, sipas të cilit këta janë emrat e parë të politikës që po zbardhim, FBI dhe organet ligjzbatuese shqiptare që janë vënë në gjurmët e këtyre parave. Pritet të dalin dhe emra të tjerë.