web counter
LEXO PA REKLAMA!

SHKARKO APP

App Store
Google Play

Taksa për Rrugen e Kombit/ Vasili bën një deklaratë të fortë, thirrje Kosovës të…

30 Mars 2018, 09:35, Aktualitet CNA

Kreu i Grupit parlamentar të LSI-së Petrit Vasili në një deklaratë për shtyp paraditen e sotme ka folur në lidhje me tarifen e vendosur për Rrugen e Kombit.

Në fjalën e tij, Vasili i bëri thirrje qeverisë Kosovare që përveç reagimit për këtë çështje, të bojkotojë edhe mbledhjet e përbashkëta të qeverive, siç janë zhvilluar edhe më parë. Sipas LSI, kjo praktikë nuk sjell asgjë të dobishme.

Ndër të tjera, Vasili pohoi se rruga që ende nuk ka përfunduar, është bërë me taksat e shqiptarëve dhe nuk e ka bërë koncensionari.

?Rruga nuk ka përfunduar ende. Koncensinarët nuk kanë ndërtuar rrugën, por kanë marrë rrugën. Ndryshe nga koncensionarët kudo në botë, që mbledhin të ardhurat për të rikuperuar atë që kanë investuar, kjo rrugë është bërë nga taksat. Shqiptarët vazhdojnë të shlyejnë ende 300 euro kredi. Një çmim shumë i rëndë. Kam kënaqësinë ta them se është 7-fishuar bilanci tregtar. Është qesharake të mendojmë, që mbas komunikimeve spektakolare konstatojmë një masë që kontestohet me shumë të drejtë, siç ka folur qeveria kosovar, madje dhe presidenti Thaçi. Vendim që ka shkaktuar reagim në Kosovë. Por pyes se çfarë kanë diskutuar në mbledhjet e përbashkëta.

Do i bëja thirrje miqësore kolegëve të Kosovës, që mos t?i bashkohen më këtij shoë (Mbledhjeve të përbashkëta). Kjo taksë nuk duhet të fillojë aplikimin. Duhet të bëhet një analizë e re, e thelluar. Duhet të ketë një qasje të integruar për këtë çështje midis qeverisë së Kosovës dhe asaj të Shqipërisë?, tha Vasili./ CNA.al





Lajmet e fundit nga