web counter
LEXO PA REKLAMA!

SHKARKO APP

App Store
Google Play

E fundit!

x

Mblidhet Kuvendi/ Depuetja e PD: Emergjente plakja e popullsisë, nuk jemi në këto karrige për tu lutur

29 Mars 2018, 08:26, Politikë CNA

Kuvendi i Shqipërisë është mbledhur sot në seancë plenare.

Seanca ka filluar me diskutimet në lidhje me ?Ratifikimin e marrëveshjes mes Shqipërisë dhe Austrisë për mbrojtjen shoqërore?.

Në fjalën e saj në foltoren e Kuvendit, deputetja e PD, Grida Duma ka ngritur alarmin e plakjes së popullsisë shqiptare, e cila sipas saj është një çështje emergjente.

Duma theksoi se plakja e popullisë së vendit tonë sjell ngecje të zhvillimit, ndërkohë që qeveria shqiptare nuk ka asnjë strategji krahasuar me vendet e zhvilluara.

Plakja e popullisë së Shqipërisë, tha Duma, sjell krizë në kontribut shoqëror dhe shëndetësor.

?Shifrat tregojnë se do të përgatitemi për një krizë globale, kriza e plakjes së popullsisë ku vendet perëndimore i tremben faktit se në vitin 2050 plakja në vendet e BE-së do të arrijë në masën 17%. Ne jemi sot në situatën ku plakja e popullisë është në masën 32.9% e cila rezulton si vendi i 43, si një ndër vendet që rankohet me vendet e Afrikës dhe plakja e popullsisë do të gjenerojë shkretimin e këtij vendi?, theksoi Duma.

Sipas deputetes demokrate, ne nuk mund të gëzohemi sepse vende si Austria apo Gjermania na kanë marrë të gjithë krahun e specializuar të punës.

?Askush nuk mund të jetë indiferent ndaj plakjes së popullsisë, ndaj largimit të mjekëve dhe profesionistëve më të mirë dhe nuk mund të rrimë dhe të lutemi që këta specialistë të trajtohen me pension sipas standardeve të atij vendi. Nuk jemi në këto karrige për tu lutur?- tha ndër të tjera deputetja Duma./ CNA.al





Lajmet e fundit nga