web counter
LEXO PA REKLAMA!

SHKARKO APP

App Store
Google Play

E fundit!

x

Koalicion PD-LSI në zgjedhjet lokale?/ Përgjigjet Tritan Shehu

28 Mars 2018, 17:00, Politikë CNA

Deputeti i Partisë Demokratike, Tritan Shehu, i ftuar në rubrikën “Opinion” në News24, teksa ka folur për bashkëpunimin midis PD dhe LSI-së, ka thënë se ende nuk është vendosur për një koalicion të mundshëm që do t’i bëjë bashkë partitë në zgjedhjet lokale të vitit të ardhshëm.

Shehu tha se kandidatëve për kryetarë bashkie do t’u jepet kohë për prezantimin tek qytetarët, do t’i jepet kohë përgatitjes së programit, prezantimit të tij dhe kuptimit nga qyetarët.

“Koalicioni në zgjedhjet e ardhshme lokale, ka kohë për tu diskutuar dhe gjykuar, për të përcaktuar forcën dhe bashkëpunimin. Kjo është një çështje që duhet ta shqyrtojë kreu i PD-së dhe do të jetë në qendër të vëmendjes në kohën e caktuar. Por ajo që mund të them është se do të ketë më shumë kohë për kandidatët, prezantimin dhe kuptimin e programeve nga qytetarët”.

Teksa ka folur për rezultatin në këto zgjedhje, Shehu ka thënë se “do dalim shumë mirë në zgjedhjet e ardhshme, kam besim dhe PD do të jetë motorri i ndryshimeve në këtë vend”. /CNA.al





Lajmet e fundit nga