E fundit!

16:28 Aktualitet

"Kallashnikovi çau jelekun anti-plumb"/ Hita: Po kryhen procedurat që efektivi i vrarë të përfitojë statusin e dëshmorit

Drejtori i Përgjithshëm i Policisë së Shtetit, Skënder Hit...

Ku ndryshon Binniata e Lulit, nga Bilali i Ramës?

16 Mars 2018, 09:56, Aktualitet CNA

Tema e ditës vazhdon të jetë financimi nga Lulzim Basha për lobim në SHBA në mbështetje të Partisë Demokratike, gjatë kohës së çadrës dhe fushatës elektorale.

Mediat japin versionin e tyre, politika kërkon të bëjë lojën e saj. Në të dy rastet ka vetëm një të vërtetë, edhe për Binniaten edhe për Bilalin e Ramës.

Binniata është një kompani me pronarë rus dhe kjo nuk ka asnjë diskutim. Binniata Trade LP ka paguar 150 mijë dollar për Partinë Demokratike, kjo e deklaruar nga Muzin në Departamentin Amerikan të Drejtësisë.

I vetmi dyshim në këtë rast është burimi i 150 mijë dollarëve. Janë të Lulzim Bashës, para të pista apo janë të rusëve që financojnë Lulzim Bashën?

Kjo e dyta duket e pabesueshme, e para pret përgjigjen e Bashës, i cili sa herë flet thotë diçka ndryshe duke e zhytur më keq veten dhe Partinë Demokratike.

Bilali i Ramës është krejt ndryshe nga Binniata, është një biznesmen shqiptar, që në një pritje pak më ndryshe nga ajo e fotos Basha-Trump, Bilali nuk mori bashkëshorte, por mori Edi Ramën. Për veprën e kryer, Bilali u hetua dhe u dënua. Kishte gënjyer Bilali, dhe kishte përfituar Edi Rama.

Në rastin e Bashës, prokuroria në Shqipëri duhet të hapë hetimet, të kërkojë burimet e financimit. Ku i gjeti Lulzim Basha 675 mijë dollarët që pagoi kompaninë amerikane dhe cili është burimi i tyre?

Në rast se Basha kërkon të gënjejë me donacione shqiptarësh, që ta bëjë më të besueshme, duhet të publikojë listën. Në rast se do të pranojë që janë lekët e tij, karriera e tij politike tashmë ka vdekur.Në rast se do pranojë financimin nga Binniata si kompani guackë, me pronarë rus, sikur fondet të jenë të tyre, sërish karriera politike e Lulzim Bashës ka vdekur. E në rast se do mohojë gjithçka duke menduar se me heshtje do ta kapërcejë, sërish karriera e tij politike ka vdekur.