web counter
LEXO PA REKLAMA!

SHKARKO APP

App Store
Google Play

Çfarë po ndodh me motin?/ Reshje në të gjithë vendin, priten…

16 Mars 2018, 07:38, Aktualitet CNA

Moti dominohet nga kthjellime e vranësira të shpeshta duke sjellë reshje shiu në të gjithë vendin.

Pasditja dhe mbrëmja lokalizojnë shirat në zonat Veriore, ndërsa pjesa më e madhe e vendit mbetet me kthjellime dhe vranësira.

Sipas MeteoAlb, temperaturat e ajrit rriten lehtë në mëngjes por rënie me 2- 3°C do të pësojnë temperaturat e mesditës.

Era do vijojë të fryjë mesatare me shpejtësi 45 km/h nga drejtimi Veriperëndimor duke gjeneruar në det dallgëzim 2- 3 ballë.

Nga llogaritjet hidrologjike të IGJEUM-it, rezulton se lumenjtë Drin, Buna dhe Liqeni i Shkodrës do të kenë prurje dhe nivele të larta.

Sot do të fillojë RRITJA E PRURJEVE në pjesët e larta malore të basenit duke përfshirë edhe hidrocentralet mbi lumin Drin.

Nivelet në pjesën e Ultësirës së Nën Shkodrës do të fillojnë të rriten për shkak të prurjeve nga Liqeni i Shkodrës dhe Lumi Drin në drejtim të Lumit Buna.

Parashikimet e IGJEUM për ditët në vazhdim tregojnë rritje të prurjeve edhe përgjatë fundjavës duke zgjeruar hartën e përmbytjes në pjesën e Nën Shkodrës dhe përmbytjes të zonave periferike të qytetit të Shkodrës në afërsi të Liqenit.

Për arsye të vazhdimit të rrezikut nga përmbytja është vendosur të mbahet shenja e paralajmërimit nga përmbytja për qarkun e Shkodrës. Ngjyra e kuqe e qarkut është vendosur për shkak të rrezikut nga përmbytjet. Në pjesën tjetër të territorit nesër do të ketë rritje të prurjeve. Ky informacion do të përditësohet nga IGJEUM sipas llogaritjeve të ardhshme dhe do të njoftoheni për çdo ndryshim në parashikimin e përmbytjeve./ CNA.al





Lajmet e fundit nga