web counter
LEXO PA REKLAMA!

SHKARKO APP

App Store
Google Play

E fundit!

x

 Xhungël apo shtet?/ Demalia: Shqipëria, pastrim etnik nga vetë shqiptarët

15 Mars 2018, 20:36, Aktualitet CNA

Zbrazja e vendit nga shqiptarët është tragjedia më e madhe që po përjeton Shqipëria paskomuniste dhe kjo falë keqqeverisjeve dhe lojës për pushtet që luajnë “burrat e shtetit”…

Ky ka qenë thelbi i vlerësimit që i ka bërë situatave  Ilir Demalia, një nga eksponentët kryesor të ngjarjes së 02 korrikut të vitit 1990, që njihet ndryshe edhe si “çarja e bllokut të ambasadave”.

I qenë prezent në emisionin “360 gradë” nëpërmjet lidhjes me Skype nga SHBA-të, ku prej dekadash jeton, Demalia thotë se aktualisht Shqipëria është në një diktaturë tjetër, jo klasike, duke theksuar fort se ikja masive e shqiptarëve është pastrim etnik i bërë nga vetë shqiptarët.

Në përgjigje të temës së shtruar për diskutim:”Kapitalizmi shqipatar. xhungla dhe shteti”, Demalia është shprehur në ligjëratë të drejtë:

“Ne duhet të merremi me diktaturën që po vendoset, jo një diktaturë klasike, por me këtë që po kalon sot Shqipëria. Është e trishtueshme, e dhimbshme, e pafalshme për ata që e kujtojnë veten si intelektual  dhe nuk kuptojnë se Shqipërisë po i bëhet një pastrim etnik nga vet shqiptarët. Po largohen nga Shqipëria çdo muaj 3-4 mijë shqiptarë. Fakti që 30% e popullsisë jetojnë me 5 dollarë në ditë dhe të diskutohet kjo akoma pas 30 vitesh. Ne si shoqëri nuk e kemi filluar kapitalizmin. Ne jemi në një barbari dhe nuk ka të bëjë fare me një sistem kapitalist…”./CNA.al





Lajmet e fundit nga