web counter
LEXO PA REKLAMA!

SHKARKO APP

App Store
Google Play

E fundit!

x

Salianji denoncon me prova skemën korruptive të ndihmës ekonomike

15 Mars 2018, 15:22, Aktualitet CNA

Deputeti i Partisë Demokratike, Ervin Salianji, ka mbajtur fjalën e radhës nga foltorja e Kuvendit, ku ka folur rreth skemës së ndihmës ekonomike, nga e cila janë larguar rreth 30 mijë familje.

Ai shprehet se skema ekonomike është tërësisht abuzive, pasi sipas tij nuk dihet se përse një qytetar e merr ndihmën ekonomike dhe pse nuk e merr familja tjetër. Salianji tha se skema në fjalë është një skemë e pastër korruptive elektorale, pasi pjesa më e madhe e atyre që ngrenë zërin, janë kontigjent votuesish të Partisë Socialiste.

Për të argumentuar akuzat e tij, Salianji publikoi disa dokumente, ku mes të tjerash tregohej se gjatë muajve prill, maj dhe qershor, periudhë kjo elektorale, Bashkia e Korçës ka pasur 954 familje, ndërsa sot ka 484 familje në skemën e ndihmës ekonomike. Sipas Salianjit, më shumë se 400 familje janë përdorur gjatë fushatës për tu marrë votën, e më tej janë hedhur në rrugë. Deputeti u shpreh se familjet e larguara nga skema e ndihmës ekonomike janë ata që nuk u shkonin për qejfi qeverisë.

Deputeti Salianji, më tej publikoi listën e ndihmës ekonomike, nga e cila përfitonte një qytetar me shpi dykatëshe dhe biznes, njëherësh përfaqësues i PS-së në zgjedhje, ndërsa po në të njëjtën zonë, është hequr nga ndihma një qytetar në kushte ejet të vështira ekonomike dhe që jeton i vetëm.

Në vijim ai ka treguar se nga kjo skemë, përfiton edhe ish-Sekretari i Partisë së Punës, tashmë Sekretar i PS-së, Gjergji Andoni, që ka një vilë trekatëshe, ndërsa hiqet nga ndihma qytetari në kushte të mjerueshme. /CNA.al





Lajmet e fundit nga