web counter
LEXO PA REKLAMA!

SHKARKO APP

App Store
Google Play

E fundit!

x

Skema e ndihmës ekonomike/ Rama nxjerr zbuluar Bashën

15 Mars 2018, 10:13, Aktualitet CNA

Seanca e sotme plenare në Kuvendin e Shqipërisë është përfshirë nga debate mes opozitës dhe mazhorancës në lidhje me largimin nga skema e ndihmës ekonomike të 20 mijë familjeve, për të cilen PD ka kërkuar mocion me debat me kryeministrin Rama.

Duke ju përgjigjur akuzave të opozitës, Rama tha se nuk japim ndihmë ekonomike për ata që janë shëndoshë e mirë, por për ata që plotësojnë kriteret dhe që nuk kanë asnjë mundësi punësimi.

Rama në fjalën e tij përmendi disa familje të cilat janë vizituar nga kreu i PD, Lulzim Basha, dhe sipas Ramës disa prej tyre janë punësuar dhe disa janë futur në fondin 6% të pushtetit vendor për të varfrit.

?Ke vizituar zonjën Burbuqe me tre fëmijë minoren. Është rikualifikuar dhe është futur në listë në fondin 6%.

?Amarildo hyso në Gjirokastër është përfshirë në listën e fondit me 6%. Hyrije Berisha në Lezhë, kishte bërë deklarim të rremë për të përfituar ndihmën ekonomike, megjithatë edhe kjo është rikualifikuar dhe është futur në fondin 6%.

Ke vizituar Ardian Danin në Lezhë, i cili sot merr ndihmë ekonomike. Leonora Luka, në Lezhe merr ndihmë ekonomike?.-tha kreu i qeverise.

Sipas Ramës, kreu i PD po i përdor të varfërit për të dalë në foto me ta për të dalë në televizor.

Kastriot Mihani në Kavajë, nuk ka marrë pikët e mjaftueshme ka aplikuar sërish në shkurt, sot është përfshirë në listën 6% . Shumë nga ata që ka vizituar Basha kanë pranuar të punësohen. Liliana Eminaj, ka riaplikuar, është përfshirë në 6% e fondit të pushtetit vendor dhe ka pranuar të punojë dhe ne do ta sistemojmë në punë.

Familja e Fatmira Shimaj është rikualifikuar.

Bujar Luka në Vorë, si përfundim është kontaktuar për të marrë punë dhe nuk është i interesuar për punë, shpresojmë që me ndihmën tënde ta bindim .

Fradiol Luka, është kontaktuar për një interviste pune, ende nuk është paraqitur se pret revolucionin tënd.

Artan Xhema në Berat, ka filluar punë dhe të bën të fala ?- deklaroi ndër të tjera Rama./ CNA.al





Lajmet e fundit nga