E fundit!

11:01 Aktualitet

Klodjan Braho mesazh të qartë politikës: Për SPAK të gjithë janë të barabartë para ligjit

Kreu i SPAK Klodjan Braho i ka përcjellë mesazhin e qartë ...

Shkolla e operativëve të Sigurimit/ Zbardhet programi

14 Mars 2018, 19:20, Aktualitet CNA

Kastriot Dervishi vijon me publikimin e dokumenteve të komunizmit. Në një postim në faqen e tij në rrjetet sociale, Dervishi sot ka publikuar programin e Shkollës së operativëve të Sigurimit.

Sipas Dervishit, punëtorët operativë ishin oficerët e drejtorive të Sigurimit të Shtetit, të cilët sipas drejtimeve që kishin, drejtonin punën agjenturiale-operative, si dhe mbanin lidhjet me rrjetin sekret.

Po ashtu ai thotë se ?Gjithsej për t?u bërë punëtor operativ duheshin 3664 orë mësimi (1656 mësim teorik dhe 1234 në seminare), prej të cilave plot 516 orë ishin histori të PPSH-së apo lëndëve që lidheshin me marksizëm-leninizmin. Shkollimi në profilin Sigurim ishte 4 vjet. Provime formimi jepeshin në lëndët marksizëm-leninizmi dhe specialitet.?

Postimi i plotë:

Shkolla e operativëve të Sigurimit

Punëtorët operativë ishin oficerët e drejtorive të Sigurimit të Shtetit, të cilët sipas drejtimeve që kishin drejtonin punën agjenturiale-operative, si dhe mbanin lidhjet me rrjetin sekret. Në gjysmën e dytë të sundimit të regjimit komunist, kuadri u shkollua në shkollën e Saukut (më parë ishte kryesisht i pashkollë). Enver Hoxha i kishte quajtur oficerët e Sigurimit, ?punëtorë partie?, d.m.th. pararoja e specializuar e luftës së klasave.

Në vitin 1992 shumica e oficerëve, rreth 98% u nxorën në lirim. Në vitin 1995 me ligjin për kontrollin e figurave, atyre iu ndalua në tërësi punësimi në administratën shtetërore. Por pas vitit 1997, e gjitha trupa e oficerëve në fjalë, u rikthye në administratën shtetërore, kryesisht në SHIK, polici, administratë dhe sistemin e drejtësisë.

Në vitin 2008 u miratua një tjetër ligj për kontrollin e figurës, i cili parashikonte edhe ndalimin e punësimit të tyre në administratën shtetërore, por ky u rrëzua nga Gjykata Kushtetuese. Pavarësisht këtij legjislacioni, këto veprime duhej të ishin shoqëruar edhe me një akt normativ për mosnjohjen si shkollë e lartë të profilit sigurim, si e pavlefshme për rendin e ri në të cilin hyri Shqipëria, njësoj siç u veprua në rastin e mosnjohjes së diplomave të shkollës së partisë.
Gjithsej për t?u bërë punëtor operativ duheshin 3664 orë mësimi (1656 mësim teorik dhe 1234 në seminare), prej të cilave plot 516 orë ishin histori të PPSH-së apo lëndëve që lidheshin me marksizëm-leninizmin. Shkollimi në profilin Sigurim ishte 4 vjet. Provime formimi jepeshin në lëndët marksizëm-leninizmi dhe specialitet.

Programi i shkollës për profilin sigurim (lëndët)

1-Histori e PPSH-së
2-Ekonomi politike (kapitalizmi)
3-Ekonomi politike (socializmi)
4-Materializmi dialektik
5-Materializmi historik
6-Gjuhë e huaj
7-Kontabilitet
8-Logjikë
9-Psikologji
10-Teoria e shtetit dhe e së drejtës
11-E drejtë kushtuese
12-E drejtë e punës dhe familjes
13-E drejta civile (pjesa e përgjithshme)
14-E drejta penale (pjesa e përgjithshme)
15-E drejta administrative
16-E drejta e detyrimeve
17-E drejta kushtetuese (pjesë e posaçme)
18-E drejta kooperativiste
19-Procedura penale
20-Mjekësi ligjore
21-Psikiatri gjuhësore
22-Kriminalistikë
23-E drejta ndërkombëtare publike
24-Kriminologji
25-Informatikë
26-Historia e armës së Sigurimit të Shtetit
27-Specialitet
28-Njohuri për zbulimet e huaja
29-Mjetet teknike dhe metodat
30-Përgatitje taktike
31-Historia e artit ushtarak popullor
32-Përgatitje zjarri
33-Përgatitje fizike
34-Topografi/ CNA.al