E fundit!

11:13 Aktualitet

Eskortat e burgjeve në protestë/ Dalin emrat “VIP” që mbështesin tubimin

Prej disa ditësh, një valë e re protestash ka nisur duke m...

Studiuesit ngrenë alarmin për të punësuarit në "Call center"

14 Mars 2018, 17:22, Aktualitet CNA

“Call center-at”, janë një sektor që kanë një numër të madh të punësuarish, për më saktë rreth 30 mijë punonjës.

Ky sektor vijon të mbetet një zgjidhje punësimi veçanërisht për të rinjtë që nuk mund të gjejnë një punë në profesionin e tyre. Por pavarësisht kësaj zgjidhje provizore për këta të rinj, një studim i kryer së fundmi tregon se 31.5% e të punësuarve në këtë sektor, kanë probleme me dëgjimin apo shikimin, për shkak të qëndrimit për një kohë të gjatë para kompjuterit, apo përdorimit të kufjeve.

Alma Kordoni, menaxhere projektesh pranë shoqarës TFL, është shprehur për “Gazeta Shqiptare”, se përkundër faktit që Callcentar është një sektor goxha i fuqishëm, sërish ka një sërë problematikash.

?Ky është një sektor goxha i fuqishëm dhe ofron kapacitete me rreth 50-150 punëtorë për kompani, pjesa më e madhe e të cilëve janë të rinj të moshës 18-30 vjeç. Shumica janë të arsimuar me shkollë të mesme, të lartë, madje edhe me doktoraturë. Por, pjesa më e madhe e problemeve që kemi evidentuar gjatë studimit lidhen me sigurinë dhe mbrojtjen në punë, ku 31.5% e punonjësve kanë probleme shëndetësorë të krijuara në vendin e punës. Edhe pagesat e bonuseve herë pas here nuk futen në sistemin e pagës reale por si një pagesë ekstra?,- shprehet Kordoni, ndërsa shton se është konstatuar edhe shkelje e kontratës nga të dyja palët, punëmarrës-punëdhënës, si dhe bën me dije se në shumë raste nuk funksionojnë realisht këshillat e sigurisë dhe mbrojtjes në punë.

GSH, ka arritur të sigurojë edhe 2 prononcime të dy të rinjve që punojnë në call Center, dhe që u duhet të punojnë përkundër faktit se doktori u ka kërkuar të mos e bëjnë.

Sipas tyre, vështirësitë që hasin çdo ditë gjatë punës janë të shumta, ku mbi të gjitha akumulojnë stres nga shefat e tyre.

?Kam rreth dy vite që punoj në call center, e po shkatërrohem nga nervat. Të rrish gjatë orë me kufje, në një kohë që supervizori ushtron presion që të bëjmë sa më shumë kontrata, është tejet e lodhshme. Por ka pagesën e mirë e si mësuese nuk kam mundur të siguroj një vend pune, kështu që më duhet të rri për të përballuar jetesën, qiranë e shpenzimet e tjera?,-tregon për ?GSH? 27 vjeçarja me inicialet A.R.

?Bëra një vizitë para një muaji e më tha mjeku që duhet të lej punën pasi kisha dëmtim të dëgjimit nga puna me kufje. Unë punoj në dy call center, në njërin 4 orë dhe në tjetrin 6 orë, se duhet të mbaj familjen, e ky është i vetmi burim të ardhurash?,- është shprehur G.B, 31 vjeçar, nga kryeqyteti. /CNA.al