web counter
LEXO PA REKLAMA!

SHKARKO APP

App Store
Google Play

Ish të përndjekurit politik nuk marrin dëmshpërblimet/ Ja plani i qeverisë

14 Mars 2018, 07:52, Aktualitet CNA

Arkat e Thesarit të Shtetit, për ish të përndjekurit politikë thuajse janë të boshatisura, kjo pasi dëmshpërblimi për ta është në një proces ngërçi.

Sikurse raporton ?Shqiptarja.com? Ministria e Financave për ish të përndjekurit, nuk ka kaluar këstet e dëmshpërblimit pasi pritet të ketë disa ndryshime në ligj.

Skema përfshin përjashtimin e trashgimtarëve përtej brezit të parë, ndërsa dëmshpërblimin mund ta përfitojnë vetëm fëmijët e atyre që kanë vuajtur në burgjet e regjimit komunist, jo nipërit dhe mbesat.

Lajmi është bërë I ditur dhe disa javë më parë nga ministri i Financave, Arben Ahmetaj, i cili ka thënë se ?Ka një këndvështrim të ri që diskutohet brenda Qeverisë; do t?i shlyejmë të gjithë, brezi i dytë, brezi i tretë, brezi i katërt pambarim, apo do kufizohemi?.

Pagesat
Gjithashtu arsyeja e dytë se përse trashëgimtarët nuk po marrin më këstet, ka të bëjë me faktin se pjesa më e madhe e fondit për ish të përndjekurit jepet për ata ish të dënuar që janë gjallë. Ndërkohë për ata trashëgimtarë që nuk kanë marrë këstin e tretë, duhet të presin.

Kjo për faktin se Ministria e Financave po jep këstet për ata që nuk kanë marrë këstin e parë dhe të dytë. Kjo do të thotë që do të jepen këstet e para dhe të dyta dhe më pas do të vijohet me dhënien e këstit të tretë. Duket se trashëgimtarët që kanë marrë dy këste, duhet të presin më gjatë për të marrë këstet e radhës. Janë me mijëra dosje që ende nuk kanë marrë dëmshpërblimin e këstit të parë dhe të dytë. /CNA.al

 

 





Lajmet e fundit nga