web counter
LEXO PA REKLAMA!

SHKARKO APP

App Store
Google Play

E fundit!

x

Avokati tregon pse Italia e la të kalonte kamionin me 613 kg kokainë

13 Mars 2018, 21:40, Aktualitet CNA

Pas kapjes së sasisë së 613 kilogramëve kokainë të fshehur në dopio dyshemene e maunes të ngarkuar me banane, një ndër pikëpyetjet e debatuara ishte fakti sesi kishte mundësi që ngarkesa e ardhur nga porti italian i Livornos të mos ishte kapur atje por të lihej të kalonte qetësisht.

Kishte ndodhur kjo pasi burimet italiane thanë se bananet i ishin nënshtruar kontrollit doganor portual? Si kishte mundësi atëherë që ngarkesa e kokainës nuk ishte pikasur?

Janë pyetje dhe përgjigje që ende diskutohen nëpër media dhe që gjetën vend edhe në emisionin e mbrëmjes së sotme “360 Gradë”.

I qenë prezen në të avokati Genc Gjokutaj  ka thenë se Italia që ka një nga policitë më shkencore në botë, nuk mund ta linte që sasia prej 613 kg kokainë të vazhdonte rrugëtimin, por synimi i lënies pas kontrollit doganor portual ishte kapja e rrjetit dhe zbulimi i venddestinacionit.

“Gjithë problemi është të kapet rrjeti, kush afrohet tek kontenieri. Po të ishte kështu do ta kishte kapur Italia.Kjo bëhet ekstra kështu. Mendoni se antidroga italiane një nga policitë më shkencore në botë të dedektojë 613 kg drogë dhe ta mbyllë kontenerin dhe ta nisë. Pse bëhet kjo? Kjo bëhet që të vazhdojë  të krijohet përshtypja që ngarkesa është brenda dhe të zbulohet më tutje”, ka thenë avokat Gjokutaj./ CNA.al.





Lajmet e fundit nga