web counter
LEXO PA REKLAMA!

SHKARKO APP

App Store
Google Play

E fundit!

x

Përçahet Këshilli Bashkiak Gjirokastër/ Dy këshilltarë të LSI dhe një i PDIU, i bashkohen PS

13 Mars 2018, 16:52, Aktualitet CNA

Dy këshilltarë të Lëvizjes Socialiste për Integrim dhe një i Partisë Drejtësi, Integrim, Unitet, në Bashkinë e Gjirokastrës, nëpërmjet një deklarate publike, janë larguar nga grupet e tyre respektive duke iu bashkuar Partisë Socialiste.

Arben Rexhaj dhe Adrian Hyska nga LSI si dhe Selaudin Mosho nga PDIU, janë shprehur se largohen nga grupet respektive drejt PS-së, pasi LSI, sipas tyre, po mban qëndrim kundër interesave të qytetarëve. Ata shprehen se janë të zgjedhur nga populli e jo nga krerët e partive.

Po ashtu ky këshilltarët e LSI-së, kanë hedhur akuza ndaj kësaj të fundit për bashkëpunimin me Lulzim Bashën, mbi të cilin rëndon akuza për financime ruse.

?Me aleancën PD-LSI nuk kishte më asgjë çfarë na bashkonte, aq më tepër kur sot jemi përpara një fakti të rëndë. Partia që para 27 vitesh lindi si shpresë për shqiptarët, sot merr financime okulte nga oligarkë rusë, vetëm e vetëm për të nxirë Shqipërinë dhe për të krijuar trazira. Besoj se kjo turpëron edhe kolegët e tjerë demokratë në Këshillin Bashkiak të Gjirokastrës dhe gjithë mbështetësit e PD-së. Lulzim Basha duhet të shkojë përpara drejtësisë për këtë aferë të rëndë kundër Shqipërisë, ndërsa LSI-ja mund të vazhdojë t?i qëndrojë nga pas duke rikonfirmuar sërish se ka qenë dhe mbetet parti tepsie dhe që s?i intereson asgjë tjetër veç pushtetit?, – thanë në qëndrimin e tyre para opinionit publik këshilltarët. /CNA.al





Lajmet e fundit nga