web counter
LEXO PA REKLAMA!

SHKARKO APP

App Store
Google Play

Zbardhet takimi i ministrit Xhafaj me ambasadorët e BE

13 Mars 2018, 15:10, Aktualitet CNA

Ministri i Brendshëm Fatmir Xhafaj, ka reaguar pas takimit me ambasadorët e vendeve të Bashkimit Evropian në Tiranë.

Nëpërmjet një postimi në rrjetet sociale, Xhafaj ka treguar se për çfarë është biseduar në takimin i cili zgjati për më shumë se 2 orë.

Xhafaj shprehet se i është përgjigjur interesit të ambasadorëve dhe ka dhënë detaje lidhur me progresin e bërë në kuadër të konsolidimit të shtetit ligjor.

?Takimi i dytë pas 3 muajsh me të gjithë ambasadorët e vendeve anëtare të BE-së.

Informova dhe iu përgjigja interesit të tyre të veçantë për punën dhe progresin e bërë në kuadër të zbatimit të prioriteteve dhe masave për konsolidimin e shtetit ligjor. Prezantuam rezultate konkrete në disa fusha e veçanërisht në luftën kundër krimit të organizuar në kuadër të operacionit ?Forca e Ligjit?, Antikanabisin, Menaxhimin e Kufirit, Reformën e Policimit në Komunitet, Vetting-un etj.

Shprehëm mirënjohjen për bashkëpunimin e krijuar këto muaj pune të përbashkët. Bashkëbisedim tejet konstruktiv. Jemi të emocionuar dhe të inkurajuar për vlerësimet tejet pozitive, për besimin e shprehur për MB, Policinë e Shtetit dhe Task Forcën Speciale si dhe për thellimin e mëtejshëm të bashkëpunimit. Jemi në rrugën e duhur. Të vendosur të ecim përpara?. /CNA.al





Lajmet e fundit nga