web counter
LEXO PA REKLAMA!

SHKARKO APP

App Store
Google Play

Kryeministri ynë profet?!

13 Mars 2018, 10:48, Aktualitet CNA

Kryeministri Edi Rama dje në studion e Eni Vasilit përtej akuzave politike e quajti PD-në si eksperte të gënjeshtrës.

Rama nuk nguroi ta quante PD-në gënjeshtare dhe raportet e dhëna prej saj si ekspertiza të gënjeshtrës. Në rast se do ishte një sulm i thjeshtë politik ndaj kundërshtarit do të ishte një lojë e kuptueshme, por në fakt është një strategji e kryeministrit për ti shpallur të gjithë gënjeshtarë, për të bërë të mundur që opinioni publik të besojë sa më pak opozitën dhe sa më shumë atë.

Të njëjtën gjë Rama e bëri kohë më parë me mediat, u vërsul si bishë duke i quajtur kazan shpifjesh dhe mashtrimesh. Në fakt kazanin e gatuajnë ai dhe Lulzim Basha së bashku, por përgjegjësi kryesor për gjendjen e medias në këtë situatë, është vetë kryeministri i cili ka korruptuar dhe vendosur në shërbim të tij pronarët e mediave, më pas sulmon gazetarët për t’ju ulur atyre besueshmërinë në opinionin publik.

Pra, Rama si një mjeshtër ka përgatitur një strategji, e pabesueshme opozita, e pabesueshme media. I vetmi njeri i besueshëm në Shqipëri na qenka Edi Rama, a thua se është profet.

Në garë me median duke shpallur dhe televizion privat, në garë me opozitën për informacionet dhe kritikat e saj, Rama ka një qëllim, askush të mos i kërkojë llogari për qeverisjen e keqe të vendit, drogën dhe kriminalitetin, mungesën e investimeve dhe mjerimin.

Për të mos dhënë llogari përpara askujt, ka gjetur një zgjidhje, denoncimet e mediave i përbuz duke i quajtur kazan, akuzat e opozitës i përqesh duke i quajtur ekspertë të gënjeshtrës, i vetmi i vërtetë ka ngelur Rama. Në fakt, ai është e pavërteta më e madhe jo thjeshtë dhe vetëm se është kryeministri./ Elvi FUNDO-CNA.al

 





Lajmet e fundit nga