E fundit!

14:54 Politikë

"Nuk mjafton produkti formal, por përmbajtja"/ Debat Boçi-Mazniku për afatin e Reformës Territoriale

Këtë të mërkurë po mbahet seanca e radhës e Komisionit të ...

Publikohet lista/ Ja kë do përjashtojë Basha nga Këshilli Kombëtar

13 Mars 2018, 09:20, Aktualitet CNA

Nuk është e papritur, publikimi i një liste të gjatë emrash në gazetën e Carlo Bollinos, ku thuhet se cilët janë personat që Basha do të largojë nga Këshilli Kombëtar.

Një listë e gjatë me emra që po i sjellim më poshtë, ku përfshihen figura të rëndësishme të PD, ish-deputetë, personalitete dhe intelektualë të ndryshëm, por që nuk do të jenë pjesë e institucioneve të PD-së pasi kanë kritikuar Lulzim Bashën.

Basha ka zgjedhur një gazetë pro qeveritare, që shpesh i bën çoka dhe i mbulon skandale. Lista është servirur nga deputetë mbështetës të Lulzim Bashës, të cilët ashtu si dhe vetë kryetari i tyre punojnë pa ndalim për të ndarë PD-në, për të larguar sa më shumë figura me peshë, të cilët mund ti pengonin ata në garë.

Jo pa qëllim është zgjedhur gazeta anti-Berishë dhe anti-PD për të shpallur një listë ?armiqsh? të cilët nuk do jenë pjesë e strukturave të larta të PD-së, por do të largohen për ti hapur rrugën klientelës së Lulzim Bashës dhe servilëve që i vijnë vërdallë.

Në shkrimin e sotëm te Shqiptarja.com thuhet se në mbledhjen e Kuvendit Kombëtar thjeshtë do të formalizohet ndryshimi i përbërjes së forumeve të larta të PD. Sipas të njëjtit shkrim, prurjet e reja diktohen edhe nga situata para dhe pas zgjedhjeve të 25 qershorit.

Më tej përmendet edhe statuti i PD-së, se shumë nga kritikët e Bashës, të cilët kanë humbur mandatin e deputetit, ngelen jashtë Këshillit Kombëtar për shkak të këtij fakti, por hileqari i paradhomës së Bashës që ka nxjerrë listën, harron të theksojë se anëtarët e Këshillit Kombëtar zgjidhen dhe nuk është e thënë me çdo kusht duhet të jesh deputet apo të kesh një funksion që të jesh anëtar i Këshillit Kombëtar.

Një listë e nxjerrë në mënyrë të qëllimshme, e cila tregon strategjinë e Lulzim Bashës për të çuar në një copëtim të pandalshëm PD-në.

Më poshtë po sjellim listën e plotë të emrave që Shqiptarja.com pretendon se do të largohen nga Këshilli Kombëtar në Kuvendin e 28-29 prillit, duke e bërë fakt të kryer largimin e tyre thjeshtë dhe vetëm sepse nuk janë deputetë.

Më poshtë lista e plotë e publikuar nga media e Carlo Bollinos, klientit të kryeministrit Rama, mbështetësit të Lulzim Bashës, dhe prej 25 vitesh një nga anti-Berishët më të tërbuar në Shqipëri, megjithëse nuk është shqiptar.

Figurat që largohen nga forumet e larta të PD sipas gazetës së Carlo Bollinos:

Genc Ruli, ish-deputet

Astrit Patozi, ish-deputet

Asllan Dogjani, ish-deputet

Jozefina Topalli, ish-deputet

Majlinda Bregu, ish-deputet

Eduard Selami, ish-deputet

Ridvan Bode, ish-deputet

Arben Imami, ish-deputet

Keltis Kruja, ish-deputet

Kastriot Islami, ish-deputet

Myqerem Tafaj, ish-deputet