Edhe Ducja dhe Hitleri do qanin për Ramën

13 Mars 2018, 10:18, Aktualitet CNA

Kryeministri i vendit dje mori gjithë audiencën e publikut shqiptar, fatkeqësisht për dy orë duke mos thënë asgjë. Rama qau Live për akuzat politike të hedhura ndaj tij, ndoshta diku edhe të tepruara, por nuk është se ai nuk bën të njëjten gjë, personalisht apo me ushtrinë e tij.

Politika shqiptare shahen nga nëna, motra, gruaja fëmijët nga mëngjesi deri në darkë. Këtu nuk bën përjashtim as kryeministri, i cili përdor mjeshtërinë e fjalës në media si Ducja dikur, por ka një makinë propagande në kryeministri më të madhe se Hitleri dhe më brutale se e tij.

Kryeministri në vend të Show-t si Ducja që moti, duke luajtur me mjeshtërinë e fjalës, më mirë do të ishte të thoshte se çfarë po bën për ekonominë shqiptare, për të papunët, për uljen e taksave, për forcimin e rendit dhe sigurisë publike, sesa ta përdorte ushtrinë e tij ?hitleriane? në kryeministri për të nxjerrë informacione dhe servirur publikut broçkulla që ndoshta vetë Rama i beson.

Me mjeshtërinë e fjalës si të Duces dhe me ushtrinë e propagandës së Hitlerit, Rama dje mori edhe rolin e “gjynahqarit”, a thua se po i digjej barku për Shqipërinë se opozita po e shante nëpër Europë.

Po a nuk ishte ky Edi Ramë që vendosi çadër përpara kryeministrisë?

A nuk ishte ky Ramë në opozitë që nuk linte fjalë pa thënë për Shqipërinë rrugëve të Europës?

A nuk ishte ky Ramë dhe Veliaj i tij që shpërndanë e-mailin e famshëm në kancelaritë europiane për Griseldën e Elvis Roshit, që i kishin çarë barkun dhe hequr fëmijën?

Në kohën kur Edi Rama ishte kreu i PS-së në opozitë, dyerve të Europës dhe kancelarive të saj çdo ditë shkonin informacione, sulme dhe akuza kundër Shqipërisë. Ashtu si ndoshta po akuzon opozita sot, të njëjtën gjë bënte Edi Rama dje, ndoshta edhe më ashpër, por edhe më i dhunshëm.

Vështirë se harrohen aksionet e egra politike të socialistëve që përfunduan me ardhjen në pushtet pesë vite më parë, por që nga pas kanë edhe gjakun e katër viktimave të 21 janarit, kanë edhe gjakun dhe dhunën ndaj uniformave blu në po atë ditë. Pra, Edi Rama vulën më të madhe kundër Shqipërisë, e ka me provë në 21 janar, pa folur për të tjerat me radhë.

Sot, Edi Rama është në një tjetër pozicion dhe bën rolin e të përulurit, të pikëlluarit pse po i sulmohej Shqipëria, ndërkohë qe çfarë nuk i ka bërë asaj. Ndoshta edhe Hitleri, ndoshta edhe Ducja do të qanin me oiii për ?dhimbjen? e madhe të Ramës të stisur nga mjeshtëria e fjalës dhe makina e propagandës, të cilat së bashku me zërin e tij, ai kërkon ti çojë në një tjetër stad, është gati ti shpallë si të vetmet instrumenta të së vërtetës në Shqipëri, megjithëse nuk i beson më askush./ CNA.al