web counter
LEXO PA REKLAMA!

SHKARKO APP

App Store
Google Play

Ligji i zgjedhjeve e kthen Parlamentin në arenë sherri e grushtash (Video)

13 Mars 2018, 18:28, Aktualitet CNA

Pasi Nënkryetari i Parlamentit njoftoi rezultatin e votimit për rregulloren e re zgjedhore  filloi një përleshje mes deputetëve të mazhorancës dhe atyre të opozitës. Pati shkëmbime grushtesh dhe të shtyra, ndërsa deputetët ndiqnin njëri-tjetrin nëpër sallat e Parlamentit.

Skenat e dhunës ndodhëm pasi me shumicë votash Parlamenti i Turqisë miratoi sot një ligj të ri të debatueshëm për zgjedhjet. Opozita thotë se ligji i ri mund t?i hapë derën manipulimit zgjedhor dhe të rrezikojë votimet e planifikuara për vitin 2019.

Kritikët e qeverisë në Turqi janë të alarmuar për ligjin e ri që i jep Bordit të Lartë Zgjedhor autoritetin të shkrijë zona zgjedhore, si dhe të zhvendosë kutitë e votimit drejt zonave të tjera.

Gjithashtu, fletët e votimit do të pranohen pa vulën e komisionit zgjedhor vendor.

Ndër të tjera, ligji i ri parashikon që forcat e sigurisë do të lejohen të futen në qendrat e votimit nëse ftohen nga një votues.

Qeveria turke thotë se kjo masë do të jetë një kundërpeshë ndaj kërcënimeve nga Partia e Punëtorëve Kurdë, PKK, në zonën juglindore të vendit. Ligjvënësit e opozitës janë shprehur se prania e forcave të sigurisë mund të përdoret për ta bërë më pak transparent procesin e numërimit të votave.

 





Lajmet e fundit nga