web counter
LEXO PA REKLAMA!

SHKARKO APP

App Store
Google Play

Ja ku e vodhi Rama projektin e Teatrit Kombëtar

13 Mars 2018, 18:31, Aktualitet CNA

Kryeministri Edi Rama, prezantoi një ditë më parë projektin e ri të Teatrit Kombëtar, që do të ndërtohet mbi gërmadhat e teatrit ekzistues, dhe që do të zhvillohet në kuadër të Partneritetit Publik-Privat.

Në prezantimin e tij, Rama u shpreh se, “Ky projekt trefishon hapësirën e teatrit, ku salla kryesore, nga 480 vende që ka sot, do ketë 620 poltrona, ku krijohet dhe një sallë e re, e hapur, mbi Teatër, me mbi 100 vende dhe ku ka dhe dy salla të reja të tipit black box, me nga 100 vende secila”, dhe prezantoi projektin e mëposhtëm.

Por ka diçka që nuk shkon me këtë projekt. Projekti i Ramës, rezulton se nuk është gjë tjetër pos se një projekt i kopjuar nga Opera e Busanit në Kore të Jugut. Një denoncim për rastin në fjalë është bërë edhe nga avokati Altin Goxhaj, në rrjetet sociale.

Projekti që Rama pretendon se është i ri, është hartuar nga, Oleksiy Petrov, Irina Miroshnykova, Dmytro Prutkin, Alice Magirovskaya, Anton Izhakevich, Ksenia Dmitrenko, projektuar në 2011, pra nuk është projekt i ri, siç pretendohet, por të paktën 7 vjet i vjetër.

Këtij projekti i është dhënë një çmim nderi në Konkursin e Ideve Ndërkombëtare për Shtëpinë e Operës Busan në Korenë e Jugut. Konkursi u promovua nga Zyra e Kryebashkiakut Metropolitan në Busan duke kërkuar ide ndërkombëtare për të ndërtuar një shtëpi të operës që do të bëhej “një hapësirë kulturore e orientuar drejt së ardhmes, e cila mund të rrisë kulturën artistike lokale të shfaqjes së një niveli me objektet e saj të teknologjisë së lartë dhe përmbajtjet e diferencuara”.

Më poshtë po ju sjellim foto e projektit të Operas së Busanit në Kore të jugut, nga ku u kopjua projekti për Teatrin Kombëtar:

/CNA.al





Lajmet e fundit nga