web counter
LEXO PA REKLAMA!

SHKARKO APP

App Store
Google Play

E fundit!

x

Basha pa ofertë për kritikët

13 Mars 2018, 08:41, Aktualitet CNA

Sekretari i Përgjithshëm i PD, Arben Ristani dje për herë të parë i ftuar në News 24 foli për takimet që kishte pasur me kritikët e Bashës.

Ristani tha se ishte ulur me ta në tryezë për të biseduar rreth rrugëve të bashkëpunimit, pas debateve të forta që kanë plasur në PD menjëherë pas humbjes së zgjedhjeve të 25 qershorit, ku PD humbi keqazi për shkak të një liste korruptive dhe klienteliste të Lulzim Bashës dhe personalizimit prej tij të fushatës elektorale, pas një pazari me Edi Ramën.

Lulzim Basha dje ka nxjerrë sekretarin e tij të flasë pasi ditë më parë theksoi se nuk do ulej me asnjë prej kritikëve, por do e çonte PD-në drejt Kuvendit Kombëtar. Ashtu si zakonisht, Luli tjetër thotë dhe tjetër bën. Ristani ndoshta po merr kostot e Bashës për shkak të gënjeshtrave publike për gjoja një ofertë bashkëpunimi, e cila nuk ekziston.

Basha nuk ka asnjë ofertë publike apo konfidenciale për bashkimin e PD-së apo në detaje për tu ulur me kritikët e tij për të ndalur një ndarje të mundshme të PD-së.

Arben Ristani po sakrifikon ende më tej me Bashën, ndoshta për karrigen e tij, por dalja e djeshme publike ishte një fyerje publike për elitën e PD-së dhe demokratët në veçanti.

Në media duke përdorur Ristanin, Luli kërkon të shesë imazhin e politikanit me dorë të shtrirë dhe me ofertë. Në fakt nuk ka as njëren as tjetrën. Thjeshtë po përdor një drejtues për të shpëtuar nga problematikat e momentit dhe më pas ashtu siç ndodhi dhe me listat e kandidatëve për deputet ta marrë dhe ta hedhë në kosh të plehrave.

Basha gënjen në publik, kërkon të shitet, kërkon të shesë dorën e tij të shtrirë, e cila si dhe në rastin e Ristanit, është dora e mashtrimit të radhës, vetëm për konsum publik, pasi Basha ende nuk ka kthyer një përgjigje publike apo zyrtare për platformat dhe propozimet që i janë shtruar në tavolinë 6 muaj më parë.

Tani pa asnjë platformë, pa asnjë ide bën keqpërdorimin e radhës të sekretarit të tij, të cilin në fakt e përdor këto momente, jo sepse e do, por sepse i duhet përkohësisht. Më pas Ristani do të vazhdojë të quhet një nga viktimat e radhës të Lulzim Bashës, edhe pse tani bashkë me disa sekretarë të tjerë të PD-së po përpiqen të ruajnë karrigen me shpresë se Luli ka ndryshuar. Në fakt asgjë nuk ka ndodhur, ai është i njëjti dhe çuditërisht Ristanin me shokë po i gënjen më shumë se një herë.

PD nuk e bashkon dot Arben Ristani me kafe dhe dëgjesa, pasi gjithçka duhet të kalojë nëpërmjet një platforme dhe propozimi konkret që Bashës i mungon, jo se nuk di, por se nuk do që PD të bashkohet./ CNA.al





Lajmet e fundit nga