web counter
LEXO PA REKLAMA!

SHKARKO APP

App Store
Google Play

E fundit!

x

Rikthehet çadra e grevës së urisë së ish të përndjekurve politik

15 Mars 2018, 22:10, Aktualitet CNA

 

Në vendin ky gjashtë vite më parë  i ndjeri Lirak Bejko, u vetëdogj në shenjë proteste, për trajtimin që i bënte qeveria e kohës ish të përndjekurve dhe të persekutuarve të diktaturës komuniste, është ngritur sot një çadër protestë brenda të cilës janë ngujuar grupi i parë i protestuesve.

Sipas burimeve të CNA.al  nga Shoqata Antikomuniste e ish të Përndjekurve Politik, protesta lidhet me ndryshimet e ligjit për dëmshpërblimin që ka ndërmarrë qeveria Rama.

I qenë prezent, kryetari i shoqatës Antikomuniste të ish-të Përndjekurve Politik Nebil Çika tha ndër të tjera:

 “Jam këtu për ti kujtuar kryeministrit Rama dhe qeverisë së tij, që atëherë erdhi tre herë i vizitoi dhe u premtoi, edhe pas vdekjes së një të burgosuri politik, Iirak Bejkos. U premtoi se do ti zgjidhte këto probleme që kanë sot, për dëmshpërblimet, i cili përjashton shumë kategori. Ata që janë ngujuar sot në grevë urie janë pikërisht nga këto kategori të përjashtuara. Ata kanë bërë burg politik, kanë patur akuza politike dhe ligji i ka përjashtuar ata nga dëmshpërblimi.”

Vetë ish të dënuarit politik theksojnë se as ata dhe as trashëgimtarët e tyre nuk kanë përfituar asnjë këst të dëmshpërblimit. Të lidhur me zinxhirë në duar kërkojnë njohjen e viteve të burgut.

Ish të dënuarit politik për mediat theksojnë se nuk do të tërhiqen nga greva duke këmbëngulur në plotësimin e kërkesave të tyre.Në mbështetje të grevistëve ishin dhe përfaqësuesit e PD./CNA.al





Lajmet e fundit nga