web counter
LEXO PA REKLAMA!

SHKARKO APP

E fundit!

x

Marrëveshja për detin/ Kodheli: Presidenti i ka informacionet e duhura, duhet të japë autorizimin

7 Mars 2018, 15:52, Politikë CNA

Kryetarja e Komisionit të Jashtëm, Mimi Kodheli, e ftuar në studion e lajmeve në Fax News, teksa ka komentuar paktin detar me Greqinë ka thënë se duhet maturi në grupin negociator për të bërë një punë të mirë, që të çojë para procesin në të mirë të vendit.

Më tej Kodheli u shpreh se problematikat e mbartura nuk bëjnë gjë tjetër veçse vonojnë procesin dhe hapat e Shqipërisë në negociata.

Teksa ka komentuar qëndrimin e presidentit Ilir Meta, përballë kërkesës së dorëzuar nga ministri i Punëve të Jashtme, Ditmir Bushati, në Presidencë, për dhënien e autorizimit të komentuar si “Plotfuqishmëri”, për zhvillimin e negociatave, Kodheli ka thënë se Presidentit i janë parashtruar informacionet e duhura, për të dhënë autorizimin.

Gjithashtu Kodheli shpreh besimin se Presidenti do të japë firmën e tij, pasi kjo do ti shërbente më shumë vendit sesa mbajtja peng. /CNA.al

 





Lajmet e fundit nga