web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen amendamentet/ Konsensusi PS-LSI ndikoi në ndryshimin e procedurave të Vettingut

7 Mars 2018, 09:12, Politikë CNA

Një ditë me parë, Kuvendi ka miratuar projektiligjin për vetingun në polici, i cili u shoqërua me debate të shumta.

Për të sheshuar paqartësitë, Ministria e Brendshme, ka shpjeguar mënyrën sesi do të realizohet kjo reformë.

Me anë një deklarate për mediat zv/ministri i Brendshëm Juljan Hodaj, nënvizoi se pas hyrjes në fuqi të këtij ligji efektivët do të kenë 30 ditë kohë që të plotësojnë formularët.

?Siç e dini, ligji, brenda 20 ditësh duhet të shprehet Presidenti i Republikës, duhet të publikohet në Fletoren Zyrtare dhe hyn në fuqi 15 ditë mbas publikimit. Nga data e hyrjes në fuqi, brenda një 30 ditëshi punonjësit do të dorëzojnë deklaratat individuale?,- shpjegoi Hodaj.

Të tjeta detaje janë zbardhur rreth konsensusit PS-LSI në ligjin e vetingut, i cili ka ndikuar që të përfshihen në proces dhe 19 amendamente të reja.

Pas sigurimit të nje kopjeje të këtyre amendamenteve të reja që janë përfshirë në ligjin e vetingut, bie në sy fakti se me përfshirjen e tyre, kanë ndryshuar një sërë procedurash.

Një nga procedurat e reja që do të ndryshojë është ajo shkarkimit të anëtarëve të komisionit të vlerësimit. Sipas amendamentit të propozuar nga LSI, hetimi disiplinor mund të fillojë me kërkesë të çdo anëtari të komisionit të vlerësimit si dhe çdo anëtari të sekretariatit teknik pranë komisionit të vlerësimit. Ndërkaq, ka ndryshuar edhe procedura e vlerësimit të pasurisë. Sipas amendamentit të ri një efektiv mund të ketë mungesë të burimeve financiare kur rezulton se ka deklaruar më shumë se dyfishi i pasurisë së ligjshme.

Ndërkaq, pjesë e ndryshimit janë dhe nenet e kontrollit të figurës sidomos ato të lidhjeve me personat me precedentë penalë?, raporton Gazeta Sot.

Një pikë tjetër, që pasqyrohet në amendament, është ndryshimi në Bordin e Përzgjedhjes, ku është pranuar që të përfshihet në bord Avokati i Popullit dhe SHISH.





Lajmet e fundit nga