web counter
LEXO PA REKLAMA!

SHKARKO APP

App Store
Google Play

Salianji i kërkon llogari Xhaçkës për përgjimet

6 Mars 2018, 10:09, Politikë CNA

Në Komisionin e Sigurisë, ku po mbahet seanca dëgjimore për negociatorin Artur Meçollarin, opozita ka qenë tejet e zëshme përballë ministres së Mbrojtjes Olta Xhaçka.

Deputeti demokrat Ervin Salianji, ka kërkuar llogari nga Xhaçka, se nëse ka pasur informacionin për cënimin  e pronave të ushtrisë, përse nuk i është drejtuar Prokurorisë.

?Ne nuk donim ta kthenim këtë çështje në çështje politike, por ishit ju që e kthyet. E gjitha cështja është kthyer nga tërësisht politike, dhe në gjatë fjalës tëndë, gjithcka ishte ?fajin e ka Saliu?, duket se ka një hall të madh. Thatë që ka pasur një problematikë apo korrupsion për Kepin e Palit për të privatizuar në dëm të interesit kombëtar pronat e ushtrisë. Ne nuk dimë të ketë pasur një kallëzim penal kemi 5 vjet që jeni në këtë qeveri. A mendoni se keni shpërdoruar detyrën dhe nuk keni çuar në Prokurori këto shkelje që thoni se janë të vërteta?, ka pyetur Salianji.

Ky i fundit më tej është ndaluar tek përgjimet.

?Keni pranuar se ka pasur një përgjim. A keni dijeni se për çfarë është vendosur në përgjim një person i cili nuk ka pasur asnjë problematikë? A keni informacion  që zotëria në fjalë ka pasur kontakte të vazhdueshme dhe ka pasur përgjim me atasheun ushtarak rus dhe a është e lejueshme kjo për shërbimin shqiptarë?, ka pyetur më tej Salianji ministren Xhaçka, e cila ka vijuar me sqarimin se çfarë janë provat dhe se çfarë janë çfarë dyshimet./CNA.al

 





Lajmet e fundit nga