web counter
LEXO PA REKLAMA!

SHKARKO APP

App Store
Google Play

E fundit!

x

Çelja e negociatave/ Korçok mesazh qeverisë: Vazhdoni me reformat

6 Mars 2018, 18:05, Politikë CNA

Ministri i Punëve të Jashtme të Sllovakisë, Ivan Korçkov, në një deklaratë për mediet sëbashku me homologun e tij shqiptar, ministrin Bushati, ka thënë se qeveria duhet të vijojë me reformat sepse ato janë në inters të qytetarëve shqiptarë për hapjen e negociatave.

Më tej Korçkov ka thënë se qeveria sllovake ka interes të vazhdojë mardhëniet e mira me Shqipërinë.

Teksa ka komentuar negociatat për anëtërësim në BE, Korçok është shprehur se 2018 është viti i rëndësishëm për vendin dhe duhet të punojmë shumë.

Më tej Korçok, ka thënë se Sllovakia nuk ka një datë konkrete për njohjen e Kosovës dhe shteti i tij ka të njëjtin qëndrim.

?Nuk e kemi këtë datë. Ju e dini se pozicioni i Sllovakisë sa i përket pavarësisë së Kosovës, pra deklarimi unilateral i Kosovës nuk ka ndryshuar dhe nuk e shoh që ne brenda në Sllovaki do ta konsiderojmë këtë çështje për arsye që njihen tashmë.

Në të njëjtën kohë doja të shtoja diçka tjetër. Kur shohim qasjen tonë ndaj Kosovës është e qartë që Sllovakia është për qasje pragmatike, është interesi ynë të lejojmë cdo gjë që do të ndihmonte zhvillimin ekonomik dhe social të këtij vendi. Ky është një pozicion ligjor dhe Sllovakia nuk do ta ndryshojë. Por në të njëjtën kohë ne besojmë është në interesin tonë që ky vend të zhvillohet. Është në interesin e tyre, të Beogradit këto ishin fjalët e mia dje, më në fund do të gjendet një zgjidhje mes Beogradit dhe Prishtinës?. /CNA.al





Lajmet e fundit nga