web counter
LEXO PA REKLAMA!

SHKARKO APP

App Store
Google Play

“Seancat plenare të së enjtes”/ Rama kërkon ndjesë për…

7 Mars 2018, 13:12, Politikë CNA

Kryeministri Edi Rama, me rastin e festës së ?7 Marsit?, ka vlerësuar me medalje mirënjohje disa mësues të vendit, ndërsa ka shprehur vlerësime për të gjithë arsimtarët.

Gjatë fjalës së tij, Rama kërkoi ndjesë për gjuhën e përdorur në seancat plenare të së enjtes.

?Ju kërkoj ndjesë të gjithave ju, mësuesve të vendit, ndjesë të thellë dhe të vërtetë për faktin që unë dhe raca ime e politikanëve sidomos e atyre që çdo të enjte zhvillojnë mësim në Kuvend nuk ju ndihmojmë aspak në kryerjen e misionit tuaj thelbësor që është jo vetëm të përgatisni njerëz të ditur por të edukoni qytetarë të mirë. Jo vetëm nuk ju ndihmojmë, por akoma më keq, ju pengojmë çdo të enjte rregullisht, në kryerjen e misionit tuaj. Edhe ditët e tjera patjetër, por sidomos të enjten, shfaqja e të enjtes rrëzon të gjitha fjalët që mund të themi gjatë javës në raport me virtytet, dhuntitë e mira.?- u shpreh kryeministri.

Gjithashtu Rama tha se puna e mësuesit has në vështirësi të jashtëzakonshme.

?Është e qartë se kemi bërë jo pak në funksion të krijimit të kushteve për të patur në vendin tonë një sistem arsimor dinjitoz. Kur mendoj se ku kanë kaluar mësuesit tanë, siç e tha një nga mësueset që sot morën medalje, se këtë profesion e kanë ushtruar me përkushtim edhe në ditë të vështira, mendoj se ndryshimi duket?, u shpreh kryeministri Rama./ CNA.al





Lajmet e fundit nga