web counter
LEXO PA REKLAMA!

SHKARKO APP

App Store
Google Play

Çfarë po ndodh në PS?/ Zv.Kryeministrja bojkoton takimin e thirrur nga Bushati

4 Mars 2018, 19:57, Aktualitet CNA

Ndonëse të dy drejtues dhe deputetë të PS-së në Qarkun e Shkodrës, përplasja mes tyre si duket ka hyrë në një tjetër fazë.

Bëhet fjalë për zv.kryeministren Senida Mesi dhe ministrin e Jashtëm Ditmir Bushati, mes të cilëve vijojnë përplasjet.

Gazeta “Standard” ka mësuar se zv.kryeministrja Mesi, ka bojkotuar mbledhjen e thirrur nga ministri Bushati, mbledhje kjo me strukturat e Partisë Socialiste të Shkodrës. Edhe pse ka qenë gjatë fundjavës në Shkodër, ajo ka zgjedhur të mos marrë pjesë në këtë mbledhje.

Mësohet se në mbledhjen e mbajtur kanë qenë të pranishëm të pranishëm drejtuesit kryesorë socialistë, drejtuesit e Organizatave Socialiste, drejtuesit e institucioneve, deputetë, por ka munguar zv.Kryeministrja.

Nga të njëjta burime mësohet se në këtë mbledhje është diskutuar mbi organizimin dhe përgatitjen e strukturave për zgjedhjet vendore. por po ashtu, ministri Bushati është gjendur përballë kërkesave për punësim nga ana e të pranishmëve, por edhe pakënaqësive të krijuara për shkak të emërimeve në postet drejtuese të institucioneve pa përfillur propozimet nga strukturat. Ende nuk dihet se anën e kujt do të mbajë kryeministri Edi Rama, nëse do të zgjedhë ministrin apo zëvendësen e tij. /CNA.al





Lajmet e fundit nga