E fundit!

08:28 Kronika

"Mos kalo nga kjo rrugë"/ Si nisi konflikti mes dy vëllezërve në Kavajë që përfundoi në vrasje

Një person është vrarë mbrëmjen e djeshme nga vëllai i tij...

Demarkacioni nuk ka bllokuar vetëm liberalizimin e vizave por edhe...

3 Mars 2018, 21:55, Aktualitet CNA

Mosratifikimi ende i marrëveshjes për demarkacionin e kufirit të Koosvës me Malin e Zi, nuk po mban peng vetëm lëvizjen e lirë të kosovarëve.

Sipas përfaqësuesve të shoqërisë civile, mungesa e vendimmarrjes në lidhje me demarkacionin, ka bllokuar edhe shumë procese e çështje të rëndësishme për vendin, të cilat nuk po arrijnë të futen në procedurë.

Analisti Albert Krasniqi, nga Instituti Demokratik i Kosovës, thotë për radion “Evropa e Lirë”, se:

?Çështja e demarkacionit e ka dëmtuar punën e Kuvendit më së shumti dhe kësisoj kanë mbetur mbrapa disa prej çështjeve, po ashtu të rëndësishme për vendin. Mund të përmendim këtu reformën zgjedhore, e cila ka nisur prej vitit 2011, e asnjëherë nuk është arritur të përfundojë dhe si pasojë e kësaj, sot ka politikanë që marrin pozita publike, e të cilët kanë garuar në zgjedhje duke pasur vepra penale?, ka vlerësuar Krasniqi i cituar edhe nga “Zeri.info”.

Ligjet si ai për financimin e partive politike, ligji për Prishtinën, ai për sigurimet shëndetësore edhe shumë të tjera kanë mbetur të pamiratuara apo që kërkohet të amendamentohen. Krasniqi thekson se janë mbi 50 ligje, të cilat janë duke pritur për t?u shqyrtuar në Kuvendin e Kosovës, por, sipas tij, aty po zhvillohen debate për politika ditore.

Partitë politike të përfaqësuara në Kuvendin e Kosovës, duhet ta kuptojnë rëndësinë e miratimit të ligjeve në kohë, thotë edhe Ariana Qosaj-Mustafa, drejtore e programit dhe hulumtuese e lartë në Institutin Kosovar për Kërkime dhe Zhvillime të Politikave.

Valmir Ismaili, analist nga organizata joqeveritare ?Demokracia Plus?, thotë për “Evropa e Lirë”, se legjislatura e tanishme duket e njëjtë si edhe ajo e kaluara ku vëmendje nuk po u jepet çështjeve, të cilat i preokupojnë qytetarët.

Ai, madje, shpreh mendimin se gjendja e krijuar në Kuvend po iu përgjigjet edhe vetë deputetëve të cilët gjatë legjislaturës së gjashtë kanë miratuar vetëm shtatë ligje, kurse në komisionet parlamentare janë grumbulluar 52 projektligje, të cilat presin shqyrtim.