web counter
LEXO PA REKLAMA!

SHKARKO APP

App Store
Google Play

E fundit!

x

Transparenca/ Pasuritë e prokurorëve dhe gjyqtarëve në CNA.al

3 Mars 2018, 16:56, Aktualitet CNA

CNA .al në kuadër të transparencës, Vetingut dhe asaj çfarë pritet nga opinioni publik, ka filluar prej disa ditësh, publikimin e pasurive  të gjyqtarëve dhe prokurorëve, por edhe të politikanëve. Duke qenë se jemi në fazën e parë të Vetingut dhe reformës në drejtësi, CityNews Albania ka filluar të publikojë së fundmi pasuritë e prokurorëve më të rëndësishëm në Shqipëri.

Ka filluar me pasurinë e ish-Prokurorit të Përgjithshëm Adriatik Llalla, për të vijuar më tej me Kryeprokuroren Arta Marku,  kreun e Prokurorisë së Krimeve të Rënda, Besim Hajdarmataj dhe sot me kreun e Prokurorisë së Tiranës, Dritan Rreshka.

Do të vazhdojmë në ditët në vijim me të gjithë drejtuesit e prokurorive, drejtuesit e gjykatave, apo gjyqtarë të tjerë, të cilët shpesh janë përmendur në media, jo për shkak të pozicioneve të tyre, por për shkak të vendimeve të dhëna dhe pasurive të tyre.

CityNews Albania nuk do të ndalet në këtë aksion edhe pas ndërhyrjeve të vazhdueshme  nga segmente të çdo lloj klani qofshin ato. Ne do të publikojmë të gjitha ato që kemi në dispozicion dhe për këtë tashmë kemi siguruar dosjet e secilit prej personave që ndodhen në drejtimin e Prokurorive dhe Gjykatave të Faktit, Gjykatave të Apelit, Gjykatës së Lartë, por edhe të Gjykatës Kushtetuese.

Ne do të bëjmë transparencën për çdo pasuri të këtyre individëve që janë pjesë e sistemit të drejtësisë, që sot janë pjesa më e përfolur dhe e akuzuar në Shqipëri.

Paralel me gjyqtarët dhe prokurorët, CNA.al, do të fillojë edhe fushatën e publikimit të të gjitha pasurive të deputetëve, të cilët çuditërisht kanë hyrë në parlament me duar në xhepa dhe kanë dalë milionerë dhe të gjithë gjykatësve dhe prokurorëve që kanë hyrë në drejtësi me pantallona të grisura dhe janë bërë miliarderë./ CNA.al

Kryeprokurori që fjeti mbi dosjet e korrupsionit/ Si është shtuar pasuria e Llallës në 14 vite?

Kryeprokurorja e varfër/ Zbardhet pasuria e Arta Markut

Kryeprokurori i dosjeve të nxehta, i “pastrehë”/ Zbulohet pasuria e Hajdarmatajt

Një milioner në krye të Prokurorisë së Tiranës/ Në ?sitë? pasuria e Dritan Rreshkës





Lajmet e fundit nga