web counter
LEXO PA REKLAMA!

SHKARKO APP

App Store
Google Play

E fundit!

x

Prokuroria s’jep detaje/ Çfarë përmban dosja e skandalit në Komisionin Antikorrupsion

3 Mars 2018, 18:24, Aktualitet CNA

Prokuroria Themelore Publike nuk ka detaje për procedurën parahetimore, për skandalin e keqpërdorimit të fondeve buxhetore në Komisionin për Anti-Korrupsion.

Rasti, sipas tyre është akoma në fazë të hershme, kur vetëm mblidhet dokumentacioni nga Drejtoria e të Ardhurave Publike të Maqedonisë. Pas përfundimit të këtij procesi, prokuroria më tej do të vendosë nëse ka bazë për të filluar procedurë. Revizioni në Komisionin Anti-korrupsion zbuloi shpenzime të parregullta të parave të buxhetit.

Anëtarët kanë dorëzuar fatura të rreme të udhëtimit. Nuk kanë ardhur çdo ditë në punë, dhe njëri nga anëtarët ka kërkuar 350 euro për qira, ndërsa ka paguar vetëm 100 euro në muaj. Ish-gjykatësi Valentin Zafirov vlerëson se është turp për ata të cilët duhet të luftojnë korrupsionin në institucione, të falsifikojnë fletë-udhëtimet, që të marrin të holla nga arka shtetërore. Sipas tij, nëse revizioni i DAP-it konfirmohet, procedura mund të bëhet shumë më shpejt. Megjithatë Zafirov duke u nisur nga përbërja në gjyqësor është skeptik për efikasitetin dhe rezultatin e hetimit.

Qoftë Anti-Korrupsioni, qoftë prokuroria publike, apo gjyqësori, tek të gjitha duhet të ketë ndryshime drastike të subjekteve që e kryejnë këtë funksion. Pra, nuk mundet që njerëzit që kanë bërë kriminalitet t?i lëmë tani ta luftojnë atë. Thjeshtë kjo nuk është e mundur ? tha ish gjyqtari Valentin Zafirov.

Përkundër indikacioneve serioze të keqpërdorimit të parave publike në anti-korrupsion, kryetari i Komisionit Igor Tanturovski, një ditë më parë tha se ai nuk do të japë dorëheqje. Të dhënat në raport, sipas tij, janë nxjerrë jashtë kontekstit dhe i gjithë rasti qenka fushatë politike.

Nga këndvështrimi im unë nuk ndjej ndonjë përgjegjësi, as që kam përgjegjësi, as që jam përmendur në këto raporte dhe për këtë arsye unë nuk kam ndërmend të japë dorëheqje ? deklaroi Igor Tanturovski, kryetar i KSHPK-së.

Arsyetimi i Kryetarit të Anti-Korrupsionit, Tanturovski, ishte se ai nuk kishte qasje në kontabilitetin e komisionit. Mandati i anëtarëve në Antikorrupsion është 4 vjet. Ata janë zgjedhur në vitin 2015. Revizioni për abuzimet eventuale është për anëtarët si Igor Tanturovski, Farie Aliu, Goran Milenkov, Zhaklina Damçevska, Najde Spasevski, Suzana Axhikotareva dhe Sejdi Halili. Dorëheqjet e tyre i kërkoi shumica e udhëhequr nga LSDM-ja. Megjithatë, ata nuk u përgjigjen nëse do ta shkarkojnë Komisionin. Zyra e Çështjeve të Përgjithshme dhe të përbashkëta e Qeverisë i ka miratuar pagat dhe e ka për detyrë të reagojë nëse ka pasur parregullsi./Alsat-M/ 





Lajmet e fundit nga