Paralajmërimi i ish-ministrit/ Si po cënohet siguria kombëtare

4 Mars 2018, 18:54, Aktualitet CNA

Ish-ministri i Bujqësisë, Edmond Panariti, me anë të një postimi në rrjetet sociale, ka paralajmëruar se në rast se sistemi i gjurmimit të flotës së peshkimit në duar të treta, mund të cënohet siguria kombëtare.

Nëpërmjet një reagimi në rrjetet sociale, Panariti shprehet: “Kalimi i sistemit te gjurmimit te flotes se peshkimit ne duar te treta, cenon sigurine kombetare. Kujdes, kujdes, kujdes me peshkimin!!! Nuk eshte vetëm prodhim por edhe siguri kombetare!! Kam qene dhe jam i bindur se peshkimi te ne, ka patur vazhdimisht rritje. Sepse kete e tregonte “de facto”, prodhimi dhe tregetia e peshkut ne terren. Sepse sektori kerceu edhe fale mbeshtetjes tone me subvencione te forta te karburantit per peshkarexha.”

Më tej ai thotë: “Por demtimi i sistemit Europian te gjurmimit te peshkimit (Blue Box), vecanerisht pas prillit te 2017 deformoi statistikat, raportonte njezet here me pak nga realiteti dhe cka është me e rende nuk zbulonte vend ndodhjen e anijeve te peshkimit.”

Ish-ministri Panariti, tërheq vërejtje për të pasur kujdes, pasi para veprimit duhet të korrektohet gjendja.

” Kujdes! Duhet te analizojme me shume përgjegjësi aresyet perpara se te veprojme për të korektuar gjendjen. Kujdes! Shqiperia ka nenshkruar marreveshjen e masave portuale te kerkuara nga Amerika, per parandalimin e trafiqeve te paligjshme, mungesen e raportimit nga flota dhe pengimin e peshkimit te paligjshem. Pershendes qeverinë e cila vendosi te mbuloje me fondet e saj funksionimin e sistemit por ajo nuk duhet te heqe dore ne asnje menyre nga mbikqyrja dhe administrimi i sistemit…. Perpos te tjerave, kjo do te ishte cenim i sigurisë! Tani qe parate u siguruan, thjesht te vazhdohet me pergjegjesi shteterore ne rrugen e sistemit te instaluar nga Bashkimi Europian per këtë qellim.”, – shkruan Panariti. /CNA.al