web counter
LEXO PA REKLAMA!

SHKARKO APP

App Store
Google Play

E fundit!

x

Spastrime në organin e akuzës/ Arta Marku “trondit” rrethin e Llallës

4 Mars 2018, 09:27, Aktualitet CNA

Pas ardhjes së Arta Markut në krye të Prokurorisë së përgjithshme, një ndër lëvizjes e para të saj ishte largimi i Prokurorëve. Por kjo duket se nuk ka qenë lëvizja e fundit e saj.

Burimet për gazetën ?Sot?, bëjnë me dije se Marku ka filluar të lëvizë specialistët dhe juristët në sektorin e Prokurimeve Publike, përgjegjësin e sektorit të Burimeve Njerëzore si dhe shumë zyrtarë të tjerë.

Ndërkohë kjo gjë është faktuar edhe në faqen zyrtare në internet, ku Prokuroria e Përgjithshme ka shpërndarë një njoftim për vende të lira pune në sektorin e Prokurimeve Publike dhe sektorin e Burimeve Njerzore.

Besohet se lëvizjet e Markut kanë ardhur për shkak se gjatë 5 viteve të fundit të besuarit e ish-kryeprokurorit Adriatik Llalla më së shumti e kanë dëmtuar institucionin e Prokurorisë së Përgjithshme për faktin se nuk kanë bërë asnjë goditje ndaj korrupsionit apo krimit.

Shkarkimet e Arta Markut pas ardhjes së saj

Kështu kryeprokurorja Arta Marku ka shkarkuar drejtuesen e Drejtorisë së Marrëdhënieve Juridiksionale me Jashtë, Rovena Gashi, e cila është cilësuar gjatë kohës që mbante këtë post si një nga njerëzit më të besuar të Adriatik Llallës. Ndërkohë Marku ka urdhëruar edhe largimin e Dritan Ginës, bashkëshortit të Rovena Gashit, i cili drejtonte prokurorinë e Elbasanit.

Por të njëjtin fat si këta të dy ka patur dhe drejtuesi i Prokurorisë së Tiranës, Petrit Fusha. Nga ana tjetër, kryeprokurorja ka larguar gjithashtu kreun e prokurorisë së Fierit, Pali Decoillin si dhe atë të prokurorisë së Kukësit, Artur Ismailukaj. Sakaq, ndryshime ka pasur edhe në prokurorinë e Durrësit ku është larguar drejtuesi i këtij institucioni Agron Gjana.

Por shkarkimet e Markut nuk ndalen me kaq, pasi pak kohë më parë kryeprokurorja shkarkoi edhe shefen e kabinetit të Prokurorisë së Përgjithshme, Fjorida Baullarin./CNA.al





Lajmet e fundit nga