E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Zëvendëskomisionerja për të Drejtat e Njeriut falënderon Shqipërinë për mbështetjen

2 Mars 2018, 17:22, Aktualitet CNA

Në vijim të qëndrimit të tij në Gjenevë, Kryetari i Kuvendit të Shqipërisë Gramoz Ruçi, zhvilloi një takim me Kate Gilmore, zëvendëskomisionere e Lartë e Kombeve të Bashkuara për të Drejtat e Njeriut në OKB.

Ruçi e cilësoi si të rëndësishëm këtë takim duke e përgëzuar angazhimin e Komisionerit të Lartë për të Drejtat e Njeriut dhe Zyrën e saj, për të mbështetur mekanizma të ndryshëm të monitorimit të të drejtave të njeriut në sistemin e Kombeve të Bashkuara.

?Ritheksojmë mbështetjen e fuqishme për punën e Zyrës së Komisionerit të Lartë dhe pavarësinë e tij dhe përpjekjet e vazhdueshme të OHCHR në avancimin e promovimit dhe mbrojtjes së të drejtave të njeriut. Shqipëria ka ratifikuar të gjitha konventat e OKB-së për të drejtat e njeriut. Të gjitha detyrimet lidhur me raportimin për zbatimin e konventave për të drejtat e njeriut adresohen në mënyrë periodike, në përputhje me detyrimet që dalin nga konventat. Respektimi i të drejtave të njeriut është një mjet efektiv në ndërveprimet diplomatike në organizatat ndërkombëtare dhe në krijimin e një imazhi pozitiv për vendin. Ne theksojmë angazhimin e institucioneve shqiptare për përmirësimin e vazhdueshëm të të drejtave të njeriut në përputhje me detyrimet ndërkombëtare. Ritheksojmë angazhimin e Shqipërisë për të kontribuar në avancimin e të drejtave të njeriut dhe bashkëpunimin e plotë brenda Mekanizmit të Rishikimit Periodik Universal (UPR). Shqipëria ka dhënë një ftesë të vazhdueshme për të gjithë zotëruesit e mandateve të Procedurave Speciale?,- nënvizoi Kryetari i Kuvendit gjatë takimit.

Ruçi u shpreh se ne e vlerësojmë rolin e Agjencive të Kombeve të Bashkuara në Shqipëri në promovimin e të drejtave të njeriut, si dhe ofrimin e mbështetjes për institucionet shqiptare për të arritur standarde më të mira në këtë fushë duke përgëzuar të gjitha iniciativat lidhur me reformën dhe efektivitetin e punës së Këshillit, të cilat do të përmirësojnë mënyrën e punës së NJDNJ në të ardhmen ku edhe Shqipëria po kontribuon në reformën e KDNJ-së.

Gilmore nga ana e saj e vlerësoi takimin me Kryetarin e Kuvendit të Shqipërisë duke u shprehu se: ?Në emër të Komisionierit të lartë për të Drejtat e Njeriut ne mirëpresim Kryetarin e Kuvendit të Shqipërisë me nderime te mëdha. Është një privilegj i vërtetë t?ju shohim këtu në Gjenevë dhe nëpërmjet jush të falënderojmë shqiptarët për vendosmërinë e fortë që tregojnë në lidhje me të drejtat e njeriut dhe vendosmërinë e tyre për të apeluar për këtë çështje në Shqipëri. Ju falënderojmë për mbështetjen që jepni Këshillit të të Drejtave të Njeriut dhe zyrës së komisionerit të lartë amerikan për të drejtat e njeriut?.

Viti 2017 ishte viti i fundit i anëtarësimit të Shqipërisë si anëtar i Këshillit për të Drejtat e Njeriut. Në mandatin e tij prej 3 vjetësh, Shqipëria ka luajtur një rol aktiv në vendimmarrjen e Këshillit, jo vetëm në lidhje me përmbajtjen e punës së KDNJ lidhur me prezantimin ose mbështetjen e rezolutave gjatë seancave të Këshillit, por edhe për çështjet e rëndësishme që lidhen me përmirësimin e mënyrës së operimit të KDNJ.