E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Kur PD-në e tërheq zvarrë Tritan Shehu

2 Mars 2018, 10:51, Aktualitet CNA

Ka një dalje të shpeshtë publike kohët e fundit të ish-kreut të PD-së, sot deputet i thjeshtë, Tritan Shehu.

Një personazh i përdorur dhe keqpërdorur nga Berisha, por edhe nga Genc Pollo. Me ndoshta me reputacionin më të ulët politik brenda Partisë Demokratike, por Shehu nuk ndalet duke tentuar të jetë pjesë aktive e politikës së saj.

Qesharake por e vërtetë, Tritan Shehu po tërheq zvarrë PD-në në debatin e fortë, jo vetëm politik të çështjes së ndarjes së kufirit detar me Greqinë.

Në disa dalje të tij personale, Tritan Shehu, ashtu si dhe sot përpara derës së presidencës përmendi se çështja duhet të shkojë në Gjykatën e Hagës.

Në rast se ky do të ishte një qëndrim zyrtar i PD-së, kjo do të ishte një linje e mirëpërcaktuar, e debatuar në strukturat e PD-së, por edhe e artikuluar nga kreu i saj, Lulzim Basha.

Ndërkohë që paralel me këtë nënkryetari i PD, Edi Paloka u tregua mjaft i matur në deklaratat e tij, njëlloj si Basha në mbledhjen e grupit.

Por, le të sjellim disa detaje që tregojnë se Tritan Shehu ka nisur një aventurë politike dhe se qëndrimi i tij nuk është ai zyrtar i PD-së.

Së pari, kreu i PD-së, Basha në daljen e fundit për mediat nuk dha qëndrim të PD-së por tha se gjithçka po kalon nga Komisioni i Jashtëm. Vetë Basha është firmëtari i parë dhe kryesor i marrëveshjes së vitit 2009. Basha s?ka qëndrim dhe PD po tregohet e matur.

Lideri historik i demokratëve, ish-kryeministri Berisha i qëndron marrëveshjes së vitit 2009 dhe këtë të sotmen e quan tradhëti spiunësh.

Tritan Shehu është ekstremisht larg nga Basha dhe Berisha në qëndrimin e tij, të cilin nuk e kemi dëgjuar nga goja e asnjë politikani tjetër nga PD, dhe mesa duket ky duhet të jetë qëndrimi i tij personal dhe Genc Pollos, njeriut që qëndron në hije pas Lulzim Bashës për qëndrimet diplomatike dhe lidhjet me jashtë të PD-së.

Një detaj tjetër është fakti se në një nga mbledhjet e fundit të grupit parlamentar të PD-së, Lulzim Basha e ka lënë Tritanin si ?presh?. Diskutimi në grup, ka sjellë dhe sqarimin nga Basha se qëndrimi i Shehut ishte i tij personal dhe jo zyrtari i Partisë Demokratike.

Por, sot sërish Tritani përsëriti të njëjtën gjë. Me sa duket në PD njëri i bie gozhdës, tjetri patkoit, ose jemi në ditët kur Lulin nuk e pyet më as deputeti i Genc Pollos./ CNA.al