web counter
LEXO PA REKLAMA!

SHKARKO APP

App Store
Google Play

Operacioni për kapjen e kokainës/ Reagon Drejtoria e Doganave

2 Mars 2018, 15:30, Aktualitet CNA

Pas operacionit të zhvilluar nga Policia e Shtetit në bashkëpunim me Hetimin doganor, nga ku u bë e mundur kapja e 613 kg drogë, të llojit kokainë, ka reaguar edhe Drejtoria e Përgjithshme e Doganave.

Nëpërmjet një deklarate për shtyp, Drejtoria e Doganave shprehet se Administrata Doganore në vijimësi ka përfituar asistencë nga ndërkombëtarët, si për rritje kapacitetesh, logjistikë, ashtu edhe për shkëmbim informacioni.

Njoftimi i plotë: 

Drejtoria e Përgjithshme e Doganave hedh poshtë çdo përpjekje abuzive për të krijuar mjegull e shpërndarë lajme të rreme mbi operacionin e suksesshëm të tre ditëve më parë në bashkëpunim me Policinë e Shtetit dhe Prokurorinë e Krimeve të Rënda, përmes të cilit u sekuestruan 613.35 kg kokainë.

Administrata Doganore në vijëmësi ka përfituar asistencë në rritje kapacitetesh dhe logjistikë nga partnerët ndërkombëtare dhe bashkëpunon dhe shkëmben rregullisht informacion me agjencitë partnere, por ky operacion ishte vepër e strukturave të Drejtorisë së Përgjithshme të Doganave dhe Policisë së Shtetit, me mbështetjen e Prokurorisë së Krimeve të Rënda, rrjedhojë e funksionimit të sistemeve, procedurave doganore dhe bashkëpunimit efektiv.

Ky fakt është për ne i rëndësishëm, sepse dëshmon gadishmërinë, aftësinë dhe vendosmërinë me të cilat Drejtoria e Përgjithshme e Doganave të  Shqipërisë dhe Policia e Shtetit, po bëjnë detyrën e tyre në mënyrë korrekte.

Drejtoria e Përgjithshme e Doganave falenderon të gjitha strukturat e përfshira në këtë operacion dhe e siguron opinionin publik për të gjithë vendosmërinë për të rritur në çdo hap cilësinë e aktivitetit te saj, në shërbim të ligjit, qytetarëve dhe sipërmarrjes vendase dhe të huaj. /CNA.al





Lajmet e fundit nga