web counter
LEXO PA REKLAMA!

SHKARKO APP

App Store
Google Play

Ruçi takim me zyrtaren e lartë të OKB

2 Mars 2018, 15:45, Aktualitet CNA

Gjatë qëndrimit në Gjenevë në kuadër të ?Forumit Rajonal për Zhvillimin e Qëndrueshëm?, Kryetari i Kuvendit të Shqipërisë, Gramoz Ruçi u prit në një takim nga Cihan Sultanoglu, Kryetare e UNDG, asistent administrator dhe drejtore e Byrosë Rajonale për Evropën dhe Komonuelthin e Shteteve të Pavarura. Në takimi, Ruçi shoqërohej nga Kryetari i Grupit Parlamentar të Partisë Socialiste Taulant Balla.

Pasi e falënderoi për pritjen, Kryetari i Kuvendit i shprehu mbështetjen Sultanoglu për Zyrën e PNUD-it në Tiranë si edhe për të zgjeruar më tej bashkëpunimin ekzistues dhe avancimin e synimeve të përbashkëta dhe programeve të bashkëpunimit midis Qeverisë së Shqipërisë dhe PNUD-it.

?Ne shprehim besimin se prioritetet që po zbatojmë nën ?Një OKB? do të përmbushin prioritetet e vendit, të përfshira në programin e Qeverisë Shqiptare dhe Strategjisë Kombëtare për Zhvillimin dhe Integrimin 2015-2020. Ne pranojmë se angazhimet për qeverisjen demokratike, sundimin e ligjit dhe të drejtat e njeriut janë të domosdoshme për arritjen e Qëllimeve të Zhvillimit të Qëndrueshëm. Në të vërtetë, cilësia e qeverisjes dhe zbatimi i ligjit ka një rol të qartë në avancimin ekonomik dhe të qëndrueshëm?,- tha Ruçi gjatë takimit, duke shtuar se në kuadrin e SDG-ve dhe axhendës 2030, Qeveria Shqiptare në bashkëpunim me misionin e Kombeve të Bashkuara në Tiranë, ka filluar zbatimin gjithëpërfshirës në përputhje me Strategjinë Kombëtare për Zhvillimin dhe Integrimin 2015-2020 dhe axhendën e integrimit të vendit në Bashkimin Evropian.

Krahas kësaj, Kryetari i Kuvendit të Shqipërisë, u ndal edhe tek reformat e miratuara nga Kuvendi i Shqipërisë duke vënë theksin tek ndryshimet kushtetuese në kuadër të reformimit të sistemit të drejtësisë dhe zbatimit të ligjit të Vetting-ut në sistemin e drejtësisë.

Gjatë takimit, u shpreh edhe angazhimi i qeverisë shqiptare për zbatimin e reformës në drejtësi si një nga elementët kyç për avancimin e proceseve të integrimit të Shqipërisë në Bashkimin Evropian.





Lajmet e fundit nga