web counter
LEXO PA REKLAMA!

SHKARKO APP

App Store
Google Play

E fundit!

x

Behgjet Pacolli sqaron "komplotin" për demarkacionin me Lista Serbe

2 Mars 2018, 18:01, Kosova & Bota CNA

Ndonëse javën që lamë pas partitë e koalicionit qeverisës PDK-AAK-NISMA arritën një marrëveshje me LDK-në për të votuar ratifikimin e demarkacionit, kjo nuk bëri që Lëvizja Vetëvendosje dhe Lista Serbe të ndryshojnë qëndrim.

Madje të mërkurën, ditën kur duhet të votohej demarkacioni i kufirit me Malin e Zi filluan akuzat ndërmjet AAK-së e LDK-së për ndryshim fjalësh në tekstin e përpiluar në Komisionin për Punë të Jashtme.

Kur ende nuk është e qartë se si do të reflektohet qëndrimi ditën kur do të ndodhë votimi për demarkacionin, për dallim nga koalicioni qeveritar PDK-AAK e NISMA, Lista Serbe që është pjesë e Qeverisë, nuk ka precizuar qëndrimin e saj. Madje është raportuar se me kërkesë të kësaj partie është kërkuar shtyrja e votimit për javën e parë të muajit mars, duke u përmendur edhe zv.kryeministri Behgjet Pacolli si personi që ka ndërmjetësuar për këtë shtyrje të votimit të demarkacionit.

Pacolli ka reaguar rreth këtyre pohimeve duke mohuar të jetë marrë vesh me autoritetet e Serbisë që të bllokohet demarkacioni derisa të përfundojnë zgjedhjet për kryetar të Beogradit. Në një prononcim për “Telegraf”-in Pacolli ka folur rreth këtyre akuzave.

?Është gënjeshtër apo konspiracion i ulët. S?ka pas marrëveshje, por kam pasur informatën se Lista Serbe të mërkurën nuk do ta votojë demarkacionin?, ka thënë Pacolli, duke saktësuar: ?Lista Serbe votimin e demarkacionit do ta bëjnë pas datës 5 mars?.

“Telegraf”-i ka tentuar të flasë edhe me zyrtarët e Listës Serbe, mirëpo asnjëri nga ta nuk kanë qenë të gatshëm të japin deklarata përkundër faktit se të njëjtin janë paraqitur fillimisht në telefon mirëpo nuk kanë kthyer përgjigje.





Lajmet e fundit nga