web counter
LEXO PA REKLAMA!

SHKARKO APP

App Store
Google Play

E fundit!

x

INTERPOL-i pritet të rikthej fletarrestet kundër Presidentit dhe Kryeministrit të Kosovës

2 Mars 2018, 16:56, Kosova & Bota CNA

Së fundmi është raportuar se INTERPOL-i ka hequr nga lista e fletarresteve rreth njëzetë ish pjesëtarë të Ushtrisë Çlirimtare të Kosovës, përfshirë edhe atë ndaj kryeministrit të tanishëm të Kosovës, Ramush Haradinaj, dhe presidentit të Kosovës, Hashim Thaçi, transmeton “Zëri.info”.

Mirëpo, duket se ky vendim do të anulohet shumë shpejt, për shkak të ankesës që ka bërë Serbia në lidhje me këtë vendim, duke potencuar shkeljen e procedurave me rastin e largimit të këtyre emrave nga kjo listë.

Siç raportojnë mediat serbe, me rastin e marrjes së vendimit për largimin e këtyre dy emrave nga lista e INTERPOL-it, janë anashkaluar procedurat dhe rregullat, respektivisht është anashkaluar komisioni kompetent i kësaj organizate, shkruan më tutje “Zëri.info”.

Për këtë kishte reaguar menjëherë Ministria e Punëve të Brendshme e Serbisë, duke bërë ankesë në Komitetin Ekzekutiv të INTERPOL-it.

Burimet serbe thonë se pritet të Komiteti Ekzekutiv qysh në mbledhjen e radhës, e cila mbahet brenda disa ditëve, do ta pranoj ankesën e Serbisë dhe të gjithë emrat e larguar do të futen sërish në sistem, çka nënkupton se zyrtarët kosovarë të përfshirë në këtë listë, mund të arrestohen sërish posa të dalin jashtë kufijve të Kosovës./CNA.al 





Lajmet e fundit nga