web counter
LEXO PA REKLAMA!

SHKARKO APP

App Store
Google Play

E fundit!

x

Kryeministri Zaev kundër emrit ”Maqedonia e re”

28 Shkurt 2018, 17:47, Kosova & Bota CNA

 Emërtimi ?Maqedonia e Re?, si një nga pesë opsionet në tavolinë për zgjidhjen e çështjes së emrit, hidhet poshtë nga kryeministri në detyrë Zoran Zaev, si i papranueshëm.

Për ?Financial Times?, tekstin e të cilës e sjellë në shqip ?Tetova Sot?, përveç këtij propozimi për emrin, Zaev përsëriti edhe opsionet e tjera; Republika e Maqedonisë (Shkupi), Maqedonia Veriore, Maqedonia e Epërme dhe Maqedonia e Vardarit. Zaev shprehu optimizëm për zgjidhjen e emrit, duke theksuar se ndryshimet kushtetuese megjithatë nuk do të ishin garanci e mjaftueshme.

Tani kërkesa e re e Greqisë është ta ndryshojmë Kushtetutën tonë. Por një Kushtetutë është një libër i rregullave të shtëpisë. Ajo nuk ka ndikim jashtë vendit. Në çdo rast, të ndryshuarit e Kushtetutës nuk do të ishte garanci përfundimtare, sepse një Qeveri e ardhshme, në të ardhmen, mund ta ndryshojë sërish atë ? tha Zoran Zaev, kryeministër.

Kjo deklaratë e Zaevit ka hasur në reagim të opozitës greke. Lideri i partisë ?Potami?, Stavros Theodorakis, për mediat vendase ka theksuar rëndësinë për ndryshime kushtetuese duke thënë se rruga e Maqedonisë për në strukturat euro-atlantike kalon nga Athina.

Ekziston çështje për emër të përbërë. Zaevi, i cili në fillim tregoi seriozitet, duhet ta kuptojë atë se rruga për në NATO dhe BE nuk është lartë, por kalon përmes Athinës. Këtë duhet ta kuptojë. Irredentizmi duhet të hiqet nga Kushtetuta dhe librat ? u shpreh Stavros Theodorakis.

Edhe përskaj insistimit të opozitës greke që emri i ri të mos përmbajë termin ?Maqedoni?, Qeveria greke megjithatë vazhdon t?i përmbahet qëndrimit fillestar, për një emër ?Erga Omnes? që do të krijohet mbi bazën ?Maqedonia?.





Lajmet e fundit nga