Kreu i Kuvendit të Kosovës garanton BE-në për ratifikimin e marrëveshjes së Kufirit me Malin e Zi

27 Shkurt 2018, 19:49, Kosova & Bota CNA

Kreu i Kuvendit, Kadri Veseli, ka pritur në takim shefen e Zyrës së Bashkimit Evropian në Kosovë, Nataliya Apostolova, raporton ?Zeri.info?.

Në këtë takim siç ka treguar Apostolova është biseduar për rrugën e Kosovës drejt integrimit Evropian, liberalizimit të vizave dhe ratifikimi i Demarkacionit me Malin e Zi.

Ajo u ka bërë thirrje të gjithë deputetëve që të mos e humbasin rastin për ta votuar Demarkacionin nesër, raporton ?Zeri.info?.

?Jam shumë e lumtur që keni një interesim aq të madh për takimin dhe vizitën e rëndësishme që do ta kemi nesër nga Hanh, Junker dhe Mogherini. Kemi pas një takim me kryetarin dhe disa javë të fundit kemi pas disa hapa të rëndësishëm drejt Demarkacionit. Hapi i parë ishte ai me presidentin e Malit të Zi dhe hapi i dytë ajo që ka ndodhur marrëveshja e partive politike. Gjitha këto parti e mbështesin demarkimin me Malin e Zi. Ratifikimi duhet të bëhet dhe do të jetë një hap i rëndësishëm drejt liberalizimit. Duhen akoma përpjekje, por ratifikimi i Demarkacionit na afron me afër liberalizimit. Pasi u hap mundësi studentëve, bizneseve dhe ekonomisë. Pra dëshirojmë që me liberalizimin e vizave Kosova të jetë një vend më i mirë. Nuk duhet të humbet ky rast nesër dhe dua t?ju them që të mos e humbisni rastin nesër. Ju lutem na ndihmoni neve në mënyrë që edhe ne t?ju ndihmojmë juve?, ka thënë ajo, raporton ?Zeri.info?.

Kurse kreu i Kuvendit, Kadri Veseli, është treguar i bindur që Demarkacioni do të votohet nesër. Ai tha se Kosova me ketë rast bënë një hap përpara drejt familjes së BE-së.

?Ne në histori kemi humb shume raste, por s?do të pranojmë më. Kosova është e orientuar nga Bashkimi Evropian 100%. Ne do të përmbyllim çdo obligim që del nga BE-ja. Liberalizimi duhet të ndodh në të njëjtën kohë edhe ratifikimi i Demarkacionit do të votohet. Qytetarët kanë nevojë për një lajm të mirë dhe ne këtë lajm do ta sjellim nesër. Jap sinjal të qartë për perspektivën tonë perëndimore dhe pres që BE-ja të na ndihmojë drejt kësaj familje të madhe?, ka thënë Veseli.