Emri i ri i Maqedonisë/ "Rebelohet" kryeministri Zoran Zaev

26 Shkurt 2018, 18:23, Kosova & Bota CNA

Kryeministri Zoran Zaev në një intervistë për javoren gjermane “Shpigel”, e ka hedhur poshtë kërkesën e Greqisë që kompromisi për emrin të mos mund të përkthehet në gjuhë tjera por të shfrytëzohet në transkripto origjinale.

?Nuk shoh këtu asnjë argument racional. Nuk e kam të qartë se si do të aplikohej në praktikë që emri të mos përkthehet fare. A duhet ta detyrojmë kancelarin Merkel ose presidentin Tramp të thonë Maqedonia Veriore. Ky do të ishte një precedent ndërkombëtar?, thotë Zaev, transmeton gazeta “Lajm”.

Është interesant se në këtë intervistë Zaev ka përmendur ?Severna makedonija? (North Macedonia) që mund të interpretohet se ky propozim do të jetë zgjidhja e emrit.

Në intervistën për këtë javore prestigjioze politike, Zaev, po ashtu, ka komentuar kërkesën e Greqisë për ndryshim të emrit. Zaev vlerëson se garancia më e mirë për palën greke do të ishte nënshkrimi i marrëveshjes për tejkalim të kontekstit që do ta ketë peshën e marrëveshjeve ndërkombëtare.

?Ai emër është krenaria jonë, identiteti ynë. Nuk shof arsye për ndryshim të Kushtetutës, nuk do të ishte mirë për krenarinë tonë. Greqisë i nevojitemi is partner, por jo si partner pa dinjitet. Kushtetuta mund të ndryshohet, e pastaj ai ndryshim mund të korrigjohet, por kjo nuk është zgjidhje. Më e rëndësishmja për Greqinë është që të ketë garanci për zgjidhjen që do të jetë valide. Kjo është pesha e marrëveshjeve ndërkombëtare të cilat ratifikohen dhe në këtë mënyrë bëhen ndërkombtarisht valide?, thotë Zaev. Në intervistë kryeministri Zaev, po ashtu , duke paralajmëruar formimin e një komisioni të përbashkët që do të punojë në rishikimin e përmbajtjeve të librave të historisë.

?As nuk mendoj për mundësinë që të mos kemi zgjidhje. Vendi ynë ka pozicion qendror në rajon. Ne jemi shoqëri multietnike prej ku jostabiliteti mund të ndikojë në mbarë rajonin. Ne patjetër duhet ta zgjidhim problemin dhe të integrohemi në BE, e në këtë mënyrë të bëhemi shoqëri më prosperuese. Kjo është mirë për tërë rajonin. Mossuksesi nuk mund të paramendohet për Maqedoninë, për mbarë Ballkanin Perëndimor por edhe për BE-në?, deklaroi kryeministri Zaev në intervistën për “Shpigel”./ Tetova sot/