web counter
LEXO PA REKLAMA!

SHKARKO APP

App Store
Google Play

E fundit!

x

Në muajin mars,arrestimet e para të Tribunalit Special

25 Shkurt 2018, 16:24, Kosova & Bota CNA

Prokurorit në largim, David Schwendiman, përpara se të lirojë zyrën e tij të Kryeprokurorit, më 31 mars i është kërkuar që të nënshkruajë një aktakuzë, që involvon arrestimet e para.

Gazeta Express ka mësuar se më së largu deri në fund të muajit mars do të mund të ngrihet aktakuza e parë për krime të luftës.

“Kryeprokurorit në largim, David Schwendiman, i është kërkuar që deri më 31 mars, kur është dita e tij e fundit e punës në Tribunal, ai të nënshkruajë një aktakuzë”, ka thënë një burim i lartë, i cili ka qasje në këtë proces.

“Pritet që të arrestuarit e parë të jenë profil i ulët, nuk bëhet fjalë për personalitete të rëndësishme. Ky është një proces i gjatë. Partnerët e Kosovës, shtetet më të fuqishme, ato që edhe kanë kërkuar që të themelohet ky Tribunal, po kërkojnë me ngulm që tash procesi të fillojë”.

Njëra  prej arsyeve përse Schëendiman është larguar nga detyra ka qenë insistimi i tij që të mos ketë arrestime, të mos ketë aktakuza, deri në fund të këtij viti. Kjo qasje e tij ka shkaktuar nervozuar BE dhe SHBA, të cilat kanë pritur që ky proces të fillonte shumë më herët.

Tensionet në Perëndim janë ngritur posaçërisht muajt e fundit kur krerët e institucioneve të Kosovës e nisën një ofensivë për ta zhbërë Tribunalin Special.

Hashim Thaçi, Shaip Muja, Kadri Veseli, Azem Syla, Fatmir Limaj , Xhavit Haliti, Haradinaj janë personazhet kryesorë në raportin e Dick Martyt.

Këta ish-udhëheqës të UÇK-së, Marty, i ndërlidh me veprime kriminale të kryera gjatë kohës së luftës dhe pasluftës.

 

 





Lajmet e fundit nga