web counter
LEXO PA REKLAMA!

SHKARKO APP

App Store
Google Play

Si e komenton Presidenti marrëveshjen e kufirit Kosovë-Mali i Zi

24 Shkurt 2018, 17:00, Kosova & Bota CNA

Arritja e marrëveshjes së kufirit të Kosovës me Malin e Zi ditën e sotme, midis subjekteve politike, nuk ka kaluar pa vëendje nga presidenti i Republikës së Kosovës Hashim Thaçi. Ky i fundit  e ka quajtur dakortësinë “lajm jashtëzakonisht të mirë për të ardhmen evropiane të Kosovës”.

Vlerësimin e tij Thaçi e ka dhenë përmes një postimi në faqen e tij të rrjetit social ku ka thënë se ky unitet politike duhet të shërbejë edhe për tema të tjera me interes kombëtar.

 Postimi i plotë i Thaçit:

“Marrëveshja e sotme e partive politike për ratifikimin e marrëveshjes për shënjimin e vijës kufitare me Malin e Zi, është një lajm jashtëzakonisht i rëndësishëm për të ardhmen evropiane të Kosovës.

Uroj të gjithë përfaqësuesit e këtyre partive politike për konsensusin e arritur, i cili përfundimisht siguron lirinë e lëvizjes për qytetarët e Kosovës në Zonën Shengen.

Ky unitet politik duhet të shërbejë si një kornizë afatgjate për gjetjen e zgjidhjeve per temat nacionale, të cilat kërkojnë vullnet dhe gatishmëri për të tejkaluar interesat e ngushta partiake dhe private.”/CNA.al





Lajmet e fundit nga