web counter
LEXO PA REKLAMA!

SHKARKO APP

App Store
Google Play

E fundit!

x

SHBA, gati paketën më të madhe të sanksioneve kundër Koresë Komuniste

23 Shkurt 2018, 18:10, Kosova & Bota CNA

Shtetet e Bashkuara të Amerikës janë gati të shpallin paketën më të madhe të sanksioneve kundër Koresë Komuniste të Veriut për të ushtruar presion mbi të lidhur me programin bërthamor-raketor të Kim Yong-un,  ndërkohë që Koreja e Jugut po përgatitet për bisedime me zyrtarët e Veriut.

Sanksionet më të ashpra mund të vënë në rrezik uljet e fundit të tensionit ndërmjet dy Koreve në kohën kur po përgatiten kushtet për  të mbajtur një takim midis liderit Kim Jong-un dhe Presidentit të Koresë së Jugut, Moon Jae-in.

Një zyrtar i lartë i administratës amerikane, i cili foli me “Reuters”, në kushte anonimati, i quajti sanksionet e reja si paketën më të madhe të sanksioneve kundër regjimit të Koresë së Veriut, pa dhënë detaje të mëtejshme.

Zv.Presidenti Mike Pense kishte lënë të kuptohej ky plan dy javë më parë gjatë një ndalese në Tokio, që i parapriu vizitës së tij në Korenë e Jugut për Lojërat Olimpike.

Sanksionet e reja të SHBA do të shpallen ndërkohë që vajza e Presidentit të SHBA, Ivanka Trump, është duke zhvilluar një vizitë në Korenë e Jugut, ku do të ketë një darkë me  Moon dhe do të marrë pjesë në ceremoninë e mbylljes së Lojërave Olimpike./CNA.al





Lajmet e fundit nga