web counter
LEXO PA REKLAMA!

SHKARKO APP

App Store
Google Play

Bie edhe "kalaja" e fundit që mbante peng marrëveshjen e kufirit Kosovë-Mali i Zi

24 Shkurt 2018, 16:41, Kosova & Bota CNA

Rënia dakort edhe nga partia Aleanca për Ardhmërinë e Kosovës (AAK) ka qenë “kalaja” e fundit që  pengonte ratifkimin e marrëveshjes së kufirit Kosovë-Mali i Zi. Akti ka ndodhur ditën e sotme duke çelur kështu rrugën e votimit javën e ardhëshme.

Lidhur me ecurinë e procesit, kryetari i grupit parlamentar të LDK-së, Avdullah Hoti ka thenë për Radio Kosovën se konsensusi i arritur sot hap përfundimisht rrugën që marrëveshja për Demarkacionin me Malin e Zi të kalojë sa më parë në Kuvendin e Kosovës. Duke plotësuar kështu njëherësh edhe kushtin kryesor për lëvizjen e lirë të qytetarëve të Kosovës.

“Në fakt, marrëveshjen me dy partitë e koalicionit në qeverisje: PDK-në dhe Nismën, partitë e vogla si dhe minoritetet, e kemi arritur të enjten në mbrëmje. E vetmja që kishte mbetur ishte Aleanca për Ardhmërinë e Kosovës pa dakortësinë e  të cilës nuk ishte e mundur të lëviznim përpara me ratifikimin e Marrëveshjes për kufirin me Malin e Zi. Sot, u njoftuam që edhe AAK-ja, është pajtuar me propozimin tonë dhe na vjen mirë që tani po hapet rruga përfundimisht që marrëveshja për demarkacionin sa më parë të kalojë në Kuvendin e Kosovës dhe të plotësohet kështu kushti për lëvizjen e lirë të qytetarëve të Kosovës, të cilët kanë pritur mjaft shumë për këtë./CNA.al





Lajmet e fundit nga