web counter
LEXO PA REKLAMA!

SHKARKO APP

App Store
Google Play

E fundit!

x

Konflikti në Siri/ Putin urdhëron ‘pauzë humanitare’ në Ghoutën Lindore

26 Shkurt 2018, 17:43, Kosova & Bota CNA

Më shumë se 540 persona kanë humbur jetën gjatë bombardimeve të forcave qeveritare siriane, në territorin e Ghoutës Lindore.

Sipas raportimeve të medieve botërore, presidenti i Rusisë, Vladimir Putin ka urdhëruar një pauzë humanitare në luftimet, e cila do fillojë të martën dhe përfshin krijimin e një ?korridori humanitar? për të lejuar civilët që të largohen nga zona.

E kontrolluar nga rebelët, zona ka qënë nën bombardime intensive nga qeveria siriane, me mbështetjen e Rusisë, për më shumë se një javë.

Ministri i Mbrojtjes së Rusisë Sergei Shoigu njoftoi se armëpushimi do të vazhdojë nga ora 09:00 deri në 14:00 çdo ditë, ndërsa shtoi se detaje të tjera për korridorin do bëhen të ditura së shpejti.

Këshilli i Sigurisë së OKB-së bëri thirrje në mënyrë unanime të shtunën për një armëpushim 30 ditor. Rezoluta e OKB-së kërkon që ?të gjitha palët të pushojnë armiqësitë pa vonesë? për të lejuar shpërndarjen e ndihmave dhe evakuuimet e të plagosurve.

Sipas raportimeve të mediave, bombardimet mbi territorin e Ghoutës Lindore, ku janë bllokuar rreth 393,000 civilë, kanë vazhduar edhe të hënën.

Të paktën 20 civilë u vranë gjatë sulmeve ajrore të qeverisë siriane Të dielën, sipas raportimeve të shoqatave të bamirësisë që operojnë në territorin e kontrolluar nga rebelët afër Damaskut. /CNA.al





Lajmet e fundit nga