E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

Rritja e pagave ndez zjarr Kuvendin/Përplasje e ashpër midis Kryeministrit dhe deputetëve të opozitës

1 Mars 2018, 15:57, Kosova & Bota CNA

Deputetët e subjekteve politike Lidhja Demokratike e Kosovës dhe Lëvizja VetëVendosje kanë kërkuar shfuqizimin e vendimit për rritjen e pagës së Kryeministrit dhe kabinetit të tij, rritjen e pagave për 4% të punëtorëve në sektorin publik dhe rritjen e skemës sociale për 20%, raporton ?Zeri.info?.

Sipas të cilit debati ka qenë i ashpër, pasi deputetët e opozitës kanë kërkuar me këmbëngulje që vendimi të shfuqizohet menjëherë.

Avdullah Hoti, shef i grupit parlamentar të LDK-së, në emër të partisë ka kërkuar anulimin e këtij vendimi dhe sjelljen në Kuvend të projektligjit.

“Vendimi për rritjen e pagave është i pamatur. Meqenëse paga e kryeministrit është dyfishuar atëherë edhe pagat e gjithë qytetarëve duhet të rriten. Ne kërkojmë që të anulohet ky vendim menjëherë dhe të sillet në Kuvend ligji për pagat?, ka thënë ai.

Në përkrahje të kërkesës së LKD-së ka qenë edhe VetëVendosja, deputetja përfaqësuese e të cilës, Albulena Haxhiu, e ka vlerësuar si të gabuar vendimin e qeverisë Haradinaj.

?Kemi propozuar shfuqizimin e vendimit për pagat. Dhe asistenca sociale të përshtatet në varësi të lëvizjes së çmimeve?, ka thënë ajo, raporton ?Zeri…?.

Në përgjigje të tyre, kryeministri Ramush Haradinaj, ka thenë se nuk mund të jetë i rregullt realiteti sipas të cilit Kryeministri e Kryeprokurori të radhiten në vendin e 69 në listën e pagave.

?Rritja e pagave të kabinetit qeveritar ka ndodh me një vendim të Qeverisë dhe si i tillë ka mundësuar nivelizimin e pagave. Numër 69 është Kryeministri juaj në bazë të pagës që merr. Nëse është në rregull kështu pajtohem, por në bazë të barrës që mban kryeministri s?mund të jetë numër 69. Ky vendim i rritjes së pagave unë e kam parë vlerësimin e AKK-së dhe pres sido që të vendos gjykata. Po e lëmë kryeministrin e ministrat, por kryeprokurorin ta lëmë në numrin 69? Ndërsa sa i përket skemës sociale i kemi obligim s?jemi lavdëruar asnjëherë me to?, ka thënë Haradinaj./CNA.al